Share this:

" />
Published On: Mon, Apr 10th, 2017

14 Jir Afrikaan ah oo ku Biiray Liiska Da’yarta Qaaradda ugu Xariifsan Maadada Xisaabta

Smiley face

Araweelo News Network


Wiil da’diisu yartay oo la yidhaah Mr. Ebbah Wyse, isla markaana jiray 14 sanno oo qudha, ayaa loo aqoonsaday inuu ka mid yahay dadka dhinaca xisaabta ugu aqoonta badan qaaradda Afrika.
Inankan yar oo u dhashay dalka Nayjeerya ee galbeedka qaaradda Afrika, waqtigana ku jira dugsiga sare, waxa uu dhawaan ku guulaystay billad dahab ah oo la yidhaa Mathematics Olympiad oo lagu bixiyo dalka Koonfur Afrika, lana siiyo dadka xisaabta ugu fiican Afrika. Sidoo kale, wiil kale oo ay isku dugsi yihiin, laguna magacaabo Chidera Anakua oo 14 jir ah waxa uu ku guulaystay billadda Bronze Medal oo xisaabta lagu bixiyo.
Tartankan sannadle ah ee xisaabta waxa soo qaban qaabiya Ururka Xisaabta Koonfur Afrika (South Africa Mathematics Foundation), waxana la bilaabay sannadkii 2004-kii, iyadoo ururkan loogu talogalay in ay aqoonta xisaabta kor u qaadaan, taasoo fursad siisa dadka waxbarashada hoose ku jira si ay kor u qaadaan awoodooda aqooneed ee xisaabta.
Madaxa Istaraatijiyadda Dugsiga Greensprings oo ay dhigtaan labadan arday Mr. Uche Ogbu, ayaa sheegay in natijada ka soo baxday Tartanka Horyaalka Xisaabta Koonfur Afrika ay muujisay in dugsigoodu soo saaray da’yar la maskax ah saynisyahannadii waaweynaa ee Albert Einsteins iyo Isaac Newtons.
“Aad baannu ugu han weynahay in lagu dhawaaqo in ay dunida iyo horyaalka xisaabta Afrikaba noqdaan. Dugsiga Greensprings waxa uu caado u leeyahay inuu soo saaro arday maskax ahaan aad u sarreeya sannado badan; ardaydayaduna waxa ay mar labaad kor u qadeen sharafta Nayjeeriya,” ayuu yidhi Uche Ogbu.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face