Share this:

" />
Published On: Wed, Jan 10th, 2018

Cilmi-baadhis: Haddii aad Doonayso in aad Imtixaanka Baasto Nasi Maskaxda

Smiley face

Araweelo News Network

 

Arday badan ayaa ku mashquusha in ay akhriska badsadaan, isla markaana hadh iyo habeen duruusta ku foognaada, balse cilmi-baadhis cusub oo ay soo saartay Jaamacadda University of Texas waxay ay bedka soo dhigtay in qofku haddii uu doonayo inuu duruusta ku fiicnaado, imtixaanada baaso inuu maskaxda nasiyo, isla markaana waxa uu doonayo inuu xafido ama maskaxda geliyo ka hor indhaha sii maryo si maskaxdu u aqoonsato.
Khubarada daraasadda sameeyey waxay sheegeen in maskaxda awoodeedu kor u kacdo haddi ay nasasho hesho oo aanay daalin, iyagoo xusay in maxsuulka cilmi-baadhistoodu saamayn ku yeelan doono nidaamka dedaal ee ardayda.
Cilmi-baadhayaashu waxay sheegeen in haddii qofku maskaxdiisa si fiican u nasiyo ay awood u yeelan doonto in ay si fiican xaataa mustaqbalkiisa dambe uu wax u sii baran karo.
Natiijada baadhitaankan oo lagu daabacay jariirada internet-ka ee loo yaqaan proceeding of the National Academy of Science waxa lagu sheegay in nasashadu qayb ka qaadato in qofku si fiican wax u barto.
Haweenay la yidhaah Margaret Schlichting oo ka qallin-jebisay waaxda cilmi-baadhista ee Jaamacadda Texas iyo Alison Preston oo ah khabiir cilmi-nafsiga iyo neerfisyada ku takhasustay ayaa dadka a qaybgalay ku baadhay hawlo waxbarasho oo ay u direen, waxaana soo baxday in kooxdii maskaxdeeda muddo la nasiyey ay xagga tijaabadii ku guulaysatay, halka kuwa in badan wax akhriyey ama shaqeeyeyna xusuustu ku adkaatay.
“Waxa noo soo baxday markii ugu horraysay sida maskaxdu u shaqayso marka ay nasashada gasho, una awooddaysato oo mustaqbalka barashada cilmiga ku fiicnaato, waxaanay dadka maskaxdooda nasiyaa noqdaan qaar awood u yeesha in ay wax badan bartaan,” ayaa lagu yidhi daraasadda warbixinteeda.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face