Share this:

" />
Published On: Sun, Apr 1st, 2018

Al-shabaab Oo Sheegtay In Ay Ciidamadda Uganda Ka Dileen 59 Askari Kadib Weerrar Ay Ku Qaadeen Saldhiga Buula-madheedh

Smiley face

Araweelo News Network

 

Buula-Madheedh(ANN)-Taliska ciidamadda Xarakada Al-shabaab,   ayaa ka hadlay weerrar ay barqadii maanta ku qaadeen Saldhig ciidamadda AMISOM ee Uganda ku lahaayeen deegaanka Buula-madheedh ee Shabeelada Hoose.

 

Sheekh Cabdi Caziiz Abuu Muscab oo ah Afhayeenka Ciidamadda Al-Shabaab, ayaa  warbaahinta u xaqiijiyay in ay weerrarkaa ku dileen 59 askari, Isla markaana ay xoog ku galeen, iyagoo adeegsaday qaraxyo loo adeegsaday baabuur iyo weerrar wada socda.

 

Afhayeenka Al-shabaab wuxuu sheegay in 14 dagaalyahan laga dilay dhinacooda, isagoo yidhi,  “59 Askari oo Yugaadhiis ah ayaa dilay, anagana weerrarka waxa nagaga dhintay Buula-madheedh 14 Mujaahid oo nagaga Shahiidday” ayuu yidhi Abuu Muscab.

Wuxuu intaa ku daray in ciidamadoodu ay weerareen illaa 6 saldhig oo ay ku sugnaayeen ciidamadda shisheeyaha ee AMISOM, gaar ahaan kuwa Uganda.

Abuu Muscab, waxa kale oo uu sheegay inweerrarka koowaad oo ahaa ka ugu xoogga badnaa  ka dhacay saldhigga AMISOM ee Buula-madheedh, waxaana xigay weerar istish-haadi ah oo lala helay kolonyo gaadiid ah oo kasoo gurmanayay deegaanka Golweyne, kuwaas oo sida uu sheegay Abuu Muscab lala beegsaday Gaadhi laga soo buuxiyay waxyabaha qarxa, isagoo ku dooday in dhawr gaadhi oo kolanyadaa ah lagu gubay qaraxaa.

 

Sidoo kale waxa uu sheegay in weerrar madaafiic ah lagu qaaday saldhigga ciidamadda AMISOM ee deegaanka Qoryooleey iyo laba saldhig oo ku yaal deegaannada Danoow iyo Maryan Gubaay, weerraradaa oo sida uu sheegay sababay in ciidamada AMISOM ay awoodi waayaan Inay u gurmadaan ciidamadooda lagu xasuuqayay degmada Buula-madheedh.

Deegaanka Buula-madheedh, ayaa Al-shabaab hore looga saaray, wuxuuna weerrarkan noqonaya kii labaad ee wixii ka danbeeyay weerrarkii Al-shabaab ku qaadeen Janaale 2015 ugu khasaaraha badnaa, iyadoo xiligaa Askarta Uganda lagaga dilay 50 askari.

Dhinaca kale xukuumadda soomaaliya iyo Taliska Ciidamadda AMISOM, ayaa weli ka hadlin weerarrarkaa Al-shabaab.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face