Share this:

" />
Published On: Mon, Sep 4th, 2017

Booliska Argentina Oo Hawada Ku Toogtay Shimbir Daroogo U Sidday Xabsi

Smiley face

Araweelo News Network

 

Santa Rosa – Argentina (ANN)- Ciidanka booliska waddanka Argentina ee qaaradda Laatiin Ameerika, ayaa toogtay shimbir la sheegay inay daroogo u wadday xabsi ku yaal magaalada Santa Rosa oo ku taal badhtamaha dalkaas maalintii Sabtida.

Masuuliyiinta xabsiyada ee dalka Argentina ayaa sheegay inay arkeen shimbirta oo dul duulaysa jeelka weyn ee magaalada Santa Rosa.

Wararku waxa uu intaa ku daray in saraakiisha xabsigaasi ogaadeen in shimbirta hawada lagu toogtay ay dhabarka ku sidday boorso yar oo ay ku jiraan dawooyinka la isku dejiyo, xashiishad iyo cajalad kumbuyuutar sida la sheegay la doonayey in qarsoodi lagu geeyo jeelka.

Qaabkan tahriibinta ayaa hore looga hortegay waxaana ku socday baadhitaan, sida lagu daabay wargeyska Clarín oo dalkaasi ka soo baxa.

Booliska Argentina ayaa baahiyey sawirka shimbir dhimatay oo ay dhabarka kaga xidhan tahay boorso yar oo ay ku jiraan 44 xabbo oo ah kaniinka la isku dajiyo ee Rivotril, xashiishad miisaankeedu dhan yahay 7.5g iyo cajalad kumbuyuutar aan weli la shaacin xogta ku duuban.

Masuuliyiinta Adeegga Jeelasha Argentina, ayaa ka digay 2013-kii in dadka ka shaqeysta maandooriyaha ay maalintii 10 ilaa 15 jeer daroogo ku qaadaan shimbiraha.

Saddex qof ayaa la xidhay, halka 15 qoolley la qabtay kaddib baadhitaan la sameeyey 2013, sida uu sheegay wargeyska Clarín.

Sidoo kale, bilowgii sannadkan shimbir dhabark ku sidday 178 xabbo oo kiniin daroogo ah, ayaa lagu qabtay meel u dhow xuduudda dalka Kuwayt la wadaago waddanka Ciraaq.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face