Share this:

" />
Published On: Tue, Nov 28th, 2017

Caanaha Ciirta Waxa La Ogaaday Inay Daawo ka Yihiin Xannuuno Maskaxda ku Dhaca

Smiley face

Araweelo News Network

Caano Ciir ah

 

Ciirta laga sameeyo caanaha dabiiciga ah ee xoolaha ayaa khubaro u dhalatay dalka Maraykanka oo samaysay cilmi-baadhis caafimaad sheegeen in ay daawo ka tahay cudurro badan oo ku dhaca maskaxda, kaasoo ay ka mid yihiin xannuunka isku buuqa amma culayska badan ee maskaxda ku yimaada.

Daraasadan waxay shaacisay in caanaha ciirtu dejiyaan cadhada iyo murugada badan ee qofka la soo darista, iyadoo ay khubaradu tilmaameen in cunista ciirta maalintii laba jeer muddo hal bil ah ay faa’iido u leedahay shaqada maskaxdu hayso, gaar ahaan marka ay nasanayso iyo marka ay ka jawaabayso arrimaha cadiifaddu keento.
Khubaradan waxay caddeeyeen in ciirtu quudisto bakteeriyo ku nool mindhicirada oo ka qaybqaadata hab-dhiska dheef-shiidka bani’aadamka, korna u qaada hab-dhiska difaaca dadka, caawisana hab-dhiska dheefshiidka, sidoo kale bakteeriyada ku nool qaybta dambe ee mindhicirka waxay ka qaybqaadata in qofka gaastari ku dhaco marka maskaxdu u dirto farriin cadiifad iyo murugaysan.
“Maxsuulka noo soo baxay wuxuu muujinaya in ciirtu waxyaabahay ka kooban tahay ay si fudud u beddeli karaan jawaabaha maskaxdeenu ka bixiso ba’ada ku xeeran, sababtoo ah waxay faa’iido u leedahay in qofka ay maskaxdiisa dejiso,” ayuu yidhi Dr. Kirsten Tillisch oo ka tirsan Mac-hadka caafimaadka ee la yidhaa UCLA’s School of Medicine oo ku yaaal dalka Maraykanka.

Khubaradan waxay baadhitaankooda ka qaadeen 36 haween ah oo da’doodu u dhaxayso 18 ilaa 53 jir, waxaanay u kala qaybiyeen kooxo, iyagoo koox ka mid ah muddo quudinaayey caanaha ciireta ah muddo hal bilood ah, halkja qaar kalena caano caadi ah la siinaayey oo aan wax bakteeriyo ah ku jirin, qaarna lama siinba wax caao ah.
Khubarada waxa u soo baxday in kooxdii la siinaayey maalintii laba jeer muddo bil ah caanaha ciirta ay murugadu aad uga yaraatay, maskaxdooduna ka degenaatay labadii kooxood ee kale.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face