Share this:

" />
Published On: Sun, Apr 22nd, 2018

Diyaarada Air Arabia Oo xaqiijisay inay Fiisaha Imaaraadka ku Bixinayso Baasaboorka Somaliland

Smiley face

Araweelo News Network

Sharjah(ANN)-Shirkada Diyaaradaha ee Air Arabia ayaa si rasmi ah shaaca uga qaaday inay fiisaha dal-ku-galka ee Imaaraadka Carabta ku bixinayso dhamaan noocyada Baasaboorka Jamhuuriyadda Somaliland.

Qoraal caawa lagu baahiyey barta Facebook ee shirkada Air Arabia leedahay, isla markaana, weriye Maxamuud Walaaleye u xaqiijiyey masuul ka tirsan Guddiga Maamulka ee xafiiska Hargeysa ayaa lagu sheegay fariin lagu shaacinayo adeega cusub ee shirkadu bixinayso, oo dhignaa sidan:

“Ogeysiin: Waxa farxad noo ah inaan shaacino inaan xilligan bilownay siinta fiisaha (dal-ku-galka) Imaaraadka Carabta dadka sita baasaboorka Somaliland. Fadlan kala xidhiidh macluumaad dheeraad ah xafiiskayaga iibka oo ku yaal Cimaarada Deero Mall ee Hargeysa.

Hawshan bilaabmatay ayaa lagu sheegay inay ku timi dedaaladii xukuumadii hore Madaxweyne Md Axmed Maxamed Siilanyo iyo xukuumada wakhtigan ee Madaxweyne Md Muuse Biixi Cabdi u galeen sidii loo xoojin lahaa xidhiidhka dublamaasiyadeed, dhaqaale iyo maalgashi ee labada wadan ee Somaliland iyo Imaaraadku wadaagaan, isla markaana hormood u ahaayeen Wasiirka Arrimaha Dibeda Dr Sacad Cali Shire iyo wakiilka JSL ee Imaaraadka Carabta Md. Baashe Cawil Cumar

shirkada diyaaradaha Air Arabia ee fadhigeedu yahay imaarada Sharjah oo markii koowaad duulimaadyadeeda Somaliland bilowday 4 July, 2017, ayaa noqonaysa shirkadii ugu horaysay ee shaacisa inay baasaboorada JSL si toos ah ugu bixinayso fiisaha Imaaraadka, isla markaana meesha ka saaraysa shaki bulshada qaarkeed lagaga beeray muhiimada iyo faa’iidooyinka xidhiidhka Somaliland iyo Imaaraadku leeyahiin bulshada labada dal.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face