Share this:

" />
Published On: Sat, May 27th, 2017

Gollaha Deeggaanka Saylac Oo Doortay Maayar Iyo Maayar Ku Xigeen Cusub

Smiley face

Araweelo News Network

Saylac(ANN)-Fadhi aan caadi ahayn oo ay yeesheen gollaha deeggaanka Saylac, ayaa sababay in xilkii laga xayuubiyo Maayarkii hore ee Magaalada Saylac Xuseen Ciidle Barkhadle, waxaana Maayar cusub loo doortay Sacad Daahir Cige oo hore xilka Maayar ku xigeenka isaga casilay, iyadoo Maayar ku xigeena loo doortay Maxamuud cigaal Wacays.

Fadhiga golaha deeggaanka oo maanta, waxaa kasoo xaadiray 12 Xildhibaan, kuwaas oo Maayarka cusub iyo ku xigeenkiisa doortay, waxaana goob jog ka ahaa Badhasaabka Gobolka Salal Dr. Axmed Naasir Maxamed Xaashi, Xoghayaha Dawlada Hoose Xasan Barkhad Cumar iyo Taliyayaasha Booliska Iyo Ciidanka Badda ee gobolka Salal.

Maayarkii hore Magaalada Saylac Xuseen Ciidle Barkhadle, ayaan kasoo xaadirin fadhigaa aan caadiga ahayn ee xilka lagaga qaaday, waxaana jiray khilaaf u dhexeeyay xubnaha gollaha deegaanka Saylac muddooyinkii u danbeeyay oo soo noq-noqnayay, kaas oo sababay in Maayar ku xigeenkii hore oo hadda loo doortya Maayarka cusub uu xilka ku xigeenka hore isaga casilo.

Xubnaha golllaha deeggaanka, ayaa marar baddan isku deyay inay fadhi aan caadi ahayn yeeshaan, balse Wasaaradda Arrimaha guddaha Somaliland iyo Badhasaabka gobolka Salal ayaa hor istaagay, wuxuuna khilaafka u dhexeeyay golaha deegaanka Saylac ragaadiyay hawlihii iyo adeegyadii ay bulshadda u qaban lahaayeen xubnaha gollaha deeggaanka Salal, balse khilaafkaa ayaa maanta lagu soo afjaray in xilka laga qaado Maayarkii hore, isla markaana la doorto Maayar iyo Maayar ku xigeen cusub.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face