Share this:

" />
Published On: Mon, Mar 14th, 2016

Guddiga Ilaalinta Hantida Qaranka Ee Wakiillada oo Sheegay Inay Warbixin Kasoo Saarayaan 27 Wasaaradood Oo Ay Baadhitaan ku Sameeyeen

Smiley face

Araweelo News Network

Hargeysa(ANN)Guddi-hoosaadka Dabagalka iyo Ilaalinta Hantida Qaranka ee Golaha Wakiillada Somaliland, ayaa sheegay inay sida ugu degdegga badan dhawaan u soo saari doonaan warbixin ku saabsan natiijada baadhitaanno ay ku sameeyeen 27 wasaarado iyo hay’ado madaxbannaan oo ay ka kooban tahay xukuumadda talada haysaa.
Guddoomiyaha Guddiga Dabagalka iyo Ilaalinta Hantida Qaranka ee Golaha Wakiillada Md. Maxamed Cali Xirsi, ayaa sheegay in kormeer iyo xog-ururin ay ku sameeyeen Wasaaradda Caafimaadka shalay ay gunnaanad u tahay baadhitaanno muddo dheer qaatay oo ay ku wadeen hay’adaha dawliga ah.
“Guddiga Dabagalka iyo Ilaalinta Hantida Qaranka in badan bay sugayeen shacabka iyo guud ahaan qaranku muddo sannad iyo badh ah oo aannu hawshan wadnay, markaa waxaan ugu bushaaraynayaa in kulankan aannu la yeelanay madaxda Wasaaradda Caafimaadka iyo kormeerka aannu ku samaynay cusbitaalladu uu noqon doono mid aannu ku soo xidhnay, isla markaana aannu iminka bilaabi doono sida ugu dhakhsaha badan soo bandhigista warbixinnadii 27 wasaarado iyo hay’adood oo Qaranka Somaliland ah wixii nooga soo baxay baadhitaannadoodii iyo wixii talooyin ah ee aannu hayno oo aannu shaacin doono maalinba mid ama dhawr hay’adood,” ayuu yidhi Xildhibaan Maxamed Cali Xirsi.
Waxa kaloo uu u mahadceliyey madaxda iyo shaqaalaha Wasaaradda Caafimaadka oo uu sheegay inay si fiican u soo dhaweeyeen, kalana shaqeeyeen kormeerka ay ku mareen xarunta wwasaaradda iyo cusbitaallada Hargeysa iyo ka carruurta iyo hooyada ee Maxamed Aaden Sheekh.
Wasiir-ku-xigeenka Wasaaradda Caafimaadka Md. Xasan Daahir Dhimbiil oo qaabilay, kuna wehelinayey kormeerkooda guddigan, ayaa isna sheegay in kulanka ay yeesheen Guddiga xildhibaannada ah oo ay waxyaabo badan iskaga waraysteen uu ahaa mid is afgarad iyo natiijo fiicani ka soo baxday.
“Xildhibaannadu wixii ay doonayeen iyo hawshii ay u socdeen waanu la garab qabanay, aannuna doonayno in wadashaqayn fiicani inay na dhexmarto, maadaama aannu ka wada tirsanahay hal qaran iyo hal dawlad keliya, isla markaana uu na wada xukumo oo na xadeeyo dastuur keliya,” ayuu yidhi Wasiir-ku-xigeenku.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face