Share this:

" />
Published On: Sun, Jan 7th, 2018

Guddiyada Golaha Wakiillada Oo Lagu Wargeliyay Inay Xog-warran Buuxa La Yeeshaan Xubnaha Golaha Wasiirada Cusub Somaliland

Smiley face

Araweelo News Network

Golaha Wasiiradda Xukumadda Muuse Biixi

 

Hargeysa (ANN)- Shir-guddoonka Golaha Wakiillada ee Jamhuuriyadda Somaliland, ayaa faray guddi-hoosaadyada golaha inay u yeedhaan, isla markaana xog-warraysiyo buuxa la qaataan dhammaanba xubnaha Golaha Wasiirrada xukuumadda Somaliland.

Sida ku cad qodobbada 53aad iyo 94aad ee dastuurka Somaliland, waxa waajib ah in Golaha Wakiillada loo soo gudbiyo xubnaha Golaha Wasiirrada ee Madaxweynuhu magacaabo, waxayna mudanayaasha Wakiilladu awood dastuuri ah u leeyihiin inay cod ku oggolaadaan ama ku diidaan xubnaha wasiirrada, kadib marka ay qiimayn ku sameeyaan shuruudaha laga rabo in qofka wasiirka ah buuxiyo.

Haddaba, sida uu sheegay Guddoomiyaha Golaha Wakiillada Md. Baashe Maxamed Faarax oo shir-guddoominayey fadhigii golaha  , waxa golahooda loo soo gudbiyey CV-yada xubnaha Wasiirrada iyo Wasiir-ku-xigeennada ee xukuumadda cusub, iyadoo qoraalka CV-yadaas lagu wareejiyey guddi-hoosaadyada golaha wakiillada oo qiimayn ku soo samayn doona, kadibna xogtooda dib ugu soo celinaya shirguddoonka maalinta Khamiista ee toddobaadkan, haddii Ilaahay yidhaah.
“Dhammaanba CV-yadii xubnaha Golaha Wasiirrada waxa loo qaybiyey guddi-hoosaadyada Golaha Wakiillada, waxaanna la soo dhammaystirayaa Khamiista oo aad u soo gudbin doontaan shir-guddoonka, wasiir walbana waa in la mariyaa oo loo yeedhaa, xog-warraysina (interview) la geliyaa oo aad waajibaadkiina ka gudataan,” ayuu yidhi Guddoomiyaha Golaha Wakiillada Somaliland.

Madaxweyne Muuse Biixi Cabdi, ayaa magacaabay 23 wasiir iyo 9 Wasiir-ku-xigeenno ah, kuwaasoo maamulkooda lagu saleeyey 23 wasaaradood oo ka jira dalka Somaliland, kuwaasoo kala ah;
1) Wasaaradda Arrimaha Dibedda iyo Iskaashiga Caalamiga ah,
2) Wasaaradda Waxbarashada iyo Sayniska
3) Wasaaradda Horumarinta Caafimaadka
4) Wasaaradda Qorshaynta iyo Horumarinta Qaranka
5) Wasaaradda Arrimaha Gudaha
6) Wadaaradda Gaashaandhigga
7) Wasaaradda Horumarinta Maaliyadda
8) Wasaaradda Caddaaladda
9) Wasaaradda Diinta iyo Awqaafta
10) Wasaaradda Horumarinta Beeraha
11) Wasaaradda Hawlaha Guud, Dhulka Iyo Guriyaynta
12) Wasaaradda Dhallinyarada iyo Ciyaaraha
13) Wasaaradda Isgaadhsiinta iyo Tignoolajiyadda
14) Wasaaradda Ganacsiga, Warshadaha iyo Dalxiiska
15) Wasaaradda Shaqo-galinta, Arrimaha Bulshada iyo Qoyska
16) Wasaaradda Horumarinta Maalgashiga
17) Wasaaradda Xannaanada Xoolaha iyo Horumarinta Kalluumaysiga
18) Wasaaradda Warfaafinta, Wacyigelinta iyo Dhaqanka
19) Wasaaradda Deegaanka iyo Horumarinta Reer-miyiga
20) Wasaaradda Horumarinta Biyaha
21) Wasaaradda Macdanta iyo Tamarta
22) Wasaaradda Gaadiidka iyo Horumarinta Jidadka
23) Wasaaradda Xidhiidhka Golayaasha iyo Arrimaha Dastuurka

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face