Share this:

" />
Published On: Tue, Feb 23rd, 2016

Guddoomiyaha Wakaaladda Qurbajoogga Somaliland oo la Kulmay Jaalliyadda Somaliland ee Dalka Denmark

Smiley face

Araweelo News Network

Copenhegan(ANN)Guddoomiyaha Wakaaladda Qurbajoogga Somaliland Mudane Cabdi Cabdillaahi Xirsi oo ku gudo jira bilawga safar dheer oo shaqo oo Guddoomiyuhu isu marayo qaarka mid ah wadamada Europe ee jaalliyadaha ugu badan ee qurbajoogga Somaliland ku dhaqanyihiin ayaa maanta la kulmay jaalliyadda Somaliland ee dalka Denmark.
Kulankan oo ka dhacay magaalada Copenhegan ee caasimadda Denmark waxa si diiran u qaabilay Guddoomiyaha Wakaaladda Qurbajoogga Gudida Jaalliyadda, kooxo ka mid ah waxgaradka, aqoonyahanka, dhalinyarada iyo qaybaha bulshada kala duwan ee Jaalliyadda kuwaasoo uga mahadceliyay booqashada uu ugu yimi guddoomiyuhu.
Guddoomiyaha Wakaaladda Qurbajoogga Somaliland Mudane Cabdi Cabdillaahi Xirsi oo ugu horayn uga mahadceliyay qurbajoogga sida ay ugu soo dhaweeyeen Denmark iyo xafladda ay ku qaabileen ayaa ku bogaadiyay jaalliyadda Denmark iyo guud ahaan qurbajoogga doorka waxtarka leh iyo kaalinta ay kaga jiraan dhismaha, dhaqaalaha iyo horumarka dalka Jamhuuriyadda Somaliland.
Guddoomiyaha Wakaaladda Qurbajoogga Somaliland wuxu uga waramay jaalliyadda in ujeedada ugu weyn ee safarkiisa jaalliyadaha Europe ku qotomo xoojinta xidhiidhka wada shaqayneed iyo iskaashiga, ka wadatashiga horumarinta doorka qurbajoogga, wacyigelinta jaalliyadaha iyo inay si fiican isugu xidhmaan Wakaaladda Qurbajoogga iyo jaalliyaduhu.
Guddoomiyaha Wakaaladdu wuxu ku boorriyay jaalliyadda Denmark inay laba jibbaaraan isku duubnidooda, wadajirkooda, waxwada qabsigooda iyo doorkooda ka qaybgalka dhismaha iyo horumarka dalkooda Somaliland ee dhinacyada dhismaha kaabayaasha iyo adeegga bulshada, nabadgelyada, maalgashiga iyo kobcinta dhaqaalaha iyo ololaha ictiraaf raadinta Somaliland, Guddoomiyuhu wuxu dhirrigeliyay qaadhaanka dhaqaale ee qurbajoogga ee mashaariicda horumarineed ee dalka ka socda sida waddooyinka iyo sidoo kale doorka mutadawaciinta dhalinyarada aqoonyahanka ah iyo xirfadleyaasha qurbajoogga.
Dhinaca kale, dadweynaha xafladda ka soo qaybgalay ee jaalliyadda Denmark ayaa su’aalo doora guddoomiyaha ka waydiiyay xagga dalka gaar ahaan dhinacyada horumarka, maalgashiga, nabadgelyada, siyaasadda dawladda ee ku wajahan soo dhawaynta, doorashooyinka iyo diwaangelintaba. Kulankan ayaa ku dhammaaday jawi is qancin badan iyo farxadi ka muuqato.
Guddoomiyaha Wakaaladda Qurbajoogga Somaliland Mudane Cabdi Cabdillaahi Xirsi oo sii wata safarkiisa jaalliyadaha Europe ayaa maanta uga gudbay Denmark dhinaca magaalada Malmo ee dallka Sweden.

Xasan Axmed Yusuf
Agaasimaha Fulinta Wakaaladda Qurbajoogga Somaliland
Hargeisa, Republic of Somaliland
Email: sldiasporagecy@gmail.com

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face