Share this:

" />
Published On: Sat, Dec 16th, 2017

Guddooomiyaha Hay’adda Qurbajoogga Somaliland Oo Baaq Soo Saaray

Smiley face

Araweelo News Network

Cabdi Cabdullaahi Xirsi (Dayaxweerar)

Hargeysa(ANN)-Guddoomiyaha Hay’adda Qurbajoogga Somaliland
Cabdi Cabdullaahi Xirsi (Dayaxweerar), ayaa ugu baaqay qurbajooga Somaliland in ay muujiyaan Isku duubni kadib doorashadii madaxtooyada Somaliland ee dhowaan dalka ka dhacday.

 

Guddoomiyaha Hay’adda Qurbajoogga Somaliland Cabdi Cabdullaahi XIrsi (Dayaxweerar) WAR-SAXAAFADEED uu soo saaray, wuxuu ku yidhi, sidan:-

Baaq ku Socda Jaalliyadaha Somaliland ee Wadamada Debadda
Hay’adda Qurbajoogga Somaliland waxay ugu baaqaysaa qurbajoogga xoojinta wadajirkooda doorasho dabadeed:

Waxa dalka Jamhuuriyadda Somaliland ka qabsoomay doorashadii 5aad ee madaxtinimada November 13, 2017 oo si dimuqraadi ah oo nabadgelyo ah uga wada dhacday dalka guud ahaan laguna doortay Madaxweyne Mudane Muuse Biixi Cabdi iyo Madaxweyne-ku-xigeen Mudane Cabdiraxmaan Cabdillaahi Ismaaciil (Saylici).

Hay’adda Qurbajoogga Somaliland ee Wasaaradda Arrimaha Debadda & Iskaashiga Caalamiga ah JSL waxa ay ku hambalyaynaysaa qurbajoogga Somaliland ee Jaalliyadaha kala duwan doorkii wadaniyadda iyo firfircoonida lahaa ee ay ka soo qaateen doorashada gaar ahaan kumanaankii mutadawaciinta ahaa ee jeebkooda iyo wakhtigoodaba u huray ololihii iyo hawlihii doorashada ee ay axsaabta qaranka la soo qabteen. Waa mid ka turjumaysa kaalinta mugga iyo miisaanka leh ee qurbajooggu ku leeyihiin taabba-gelinta hannaanka dimuqraadiyadda iyo nidaamka xisbiyada badan ee ka hanaqaaday dalka.

Doorashada dabadeed, waxa aannu ugu baaqaynnaa jaalliyadaha Somaliland in la xaqiijiyo midnimo, wadajir iyo iskaashi buuxa oo qurbajooggu ka yeesho ka wada shaqaynta danaha dhexdooda iyo dalkooda, lana dardargeliyo doorka waxtarka leh ee qurbajooggu ka gaysto dalka, si buuxdana loo taageero geedi socodka horumarka qaranka JSL ee hoggaanka cusub shacabku u doortay November 13, 2017.

Doorasho kasta oo dimuqraadi ah oo ka qabsoonta dalka waxay kordhinaysa wacyiga beesha caalamka ee xaqiiqada jiritaanka dalnimo iyo doonista shacabka Jamhuuriyadda Somaliland, waxanay taageero u tahay geeddi socodka dadaalka aan ugu jirro ictiraaf iyo aqoonsi buuxa oo qarankani helo. Sidaa darteed, waxa aannu ugu baaqaynnaa qurbajoogga Somaliland inay fursaddan uga faaiidaystaan dadaalkooda ictiraaf raadinta wadamada ay joogaan oo dhan.
Allaa Mahad Leh

Cabdi Cabdullaahi Xirsi (Dayaxweerar)
Guddoomiyaha Hay’adda Qurbajoogga Somaliland
Wasaaradda Arrimaha Debadda & Iskaashiga Caalamiga ah JSL
info@sldiaspora.org www.sldiaspora.org
Hargeisa, Republic of Somaliland
Dec 16, 2017

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face