Share this:

" />
Published On: Wed, Jan 14th, 2015

Hargeysa Oo Ku Waaberiistay Sharci Iyo Awaamiir Cusub

Smiley face

araweelonews-300x168Hargeysa(ANN)Magaalada Hargeysa ee Caasimadda Somaliland, ayaa saaka ku waaberiisatay sharci iyo awaamiir cusub oo dadweynaha Magaalada ku abuuray jaah wareer. Kadib markii dadka wata Baabuurtu wadooyinka ugu muhiimsan magaalada kala kulmeen Awaamiir iyo shraci cusub oo la dhaqangelinayo.
Sharciga cusub ooh ore Wasiirka arrimaha gudaha Somaliland Cali Maxamed Warancade u sheegay dhamaadkii sanadkii tegey inay wax ka bedelayaan labada Waddo ee ugu muhiimsan magaalada in sanadka csub la bedelayo qaabka gaadiidku u maraan, iyadoo Laamiga wadnaha Magaalada ee wajahada Madaxtooyadda iyo Dhakhtarka weyn hortiisa mara ay noqonayaan haad keliya oo dhinaca Galbeedka u socda, halka wadada Dhakhtarka xagiisa danbe marta ay noqonay Haad keliya oo dhinaca Bariga u socda, taas oo saaka fulinteeda ay ku waaberiisteen dadweynaha Caasimadda Hargeysa.
Subaxnimadii hore ayaa la dhigay wadooyinka Ciidamada Gaadiidka kala haga, kuwaas oo gaadiidka ku amrayay inay raacaan wadooyinka ay u tilmaamayeen, iyadoo aanay dadka intooda baddan gaadiidka wataa ka warqabin waxa soo kordhay, waxayna durbadiiba adeeceen awaamiirta la siinayay ee ciidanka nabadgelyada wadooyinka, balse xili danbe ayay gaadiidka iyo dadweynaha caadiga ah ee la kulmay awaamiirta cusub ee wadooyinka fahmeen, waxayan inta baddan dadku soo dhoweeyeen awaamiirta cusub iyo sharciga dhinaca wada marista ee wax laga bedelay oo saxmadii ka yareeyay wadooyinkaa oo inta baddan ahaa xiliyada barqadii ilaa dihurkii saxmad iyo cidhiidh.

Hase yeeshee waxa jira qaar ka mid ah bulshada oo sharciga iyo awaamiirta cusub ee wadooyinka dhaliilay, kuwaas oo ku dooday inay soo kordhinayso saxmad halkii la doonayay inay saxmadu ka yaraato, isla markaana sharciga cusub uu keenayo shilalka gaadiidka oo sii bata, iyadoo arrintaasi jaah wareer ku keenay Bulshada, “Waxan filayaa in aanay sidan ahayn sidii ay wax ku socon lahaayeen, balse waxa keliya ee ay arrintani soo kordhinay saxmadda wadooyinka oo sii baddata iyo shilalka oo sii kordha, saaka dadku waxay kusoo kaceen Askar Taraafik ah oo ka leexinay wadooyinka, amar siinay, waxayna dadku u qaateen in Madaxweynihii marayo, balse mar danbe ayay maqleen in wadooyinkii la beddelay sidii hore ee loo marayay” sidaa waxa yidhi ENG. Yuusuf Cali oo ah ganacsadaha Huteelka BilaalINN, isla markaana dalka Britain ka ahaa muddo dheer Macalin dhinaca Wadda marista ah ka ahaa London oo aqoon dheer u leh shuruucda waddooyinka.
Araweelo News Network

Somaliland Office

info@araweelonews.com

jaamac132@gmail.com

About the Author

- Arraale Mohamoud Jama is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com + 252 63 442 5380 + 252 63 4764409 + 252 63 442 5380

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face