Share this:

" />
Published On: Thu, May 31st, 2018

Hay’adda Ka Hortagga Masiibooyinka iyo Kaydka Raashinka Qaranka oo Raashin u Qaybisay Kumannaan Qoys

Smiley face

Araweelo News Network

 

“10 kun oo qoys oo Saaxil iyo Awdal ah raashin ayaan u qaybinay Barina waxaan u qaybinay dhawr kun oo qoys walina qaybinta waanu wadnaa”Guddoomiye Ku Xigeenka Hay’adda.

Caynaba(ANN)- Guddoomiye ku-xigeenka Hay’adda ka hor tagga Masiibooyinka iyo kaydka raashinka qaranka Faysal Aw-Jaamac Xirisi, ayaa sheegay in hay’addoodu gobolada bari iyo galbeed ee dalkaba in ay ka bilawday qaybinta raashin loogu talo galay inla ghaadhsiiyo dadkii duufaantu ku dhufatay ee gobolada galbeedka Somaliland iyo dadkii baro kacayaasha ahaa ee xooluhu kabexeen eek u noolaa gobolada bari ee dalka gaar ahaan Saraar iyo Sooloo uu sheegay in ay aad u jilicsan yihiin xilliga ramadaantana ay u baahan yihiin raashin ay ku noolaadaan.
Guddoomiye ku-xigeenka oo isagoo ku sugan magaalada Caynaba ee Xarunta gobolka Saraar khadka taleefanka ugu warramay wargayska Dawan,waxaa uu sheegay in ay laba kun oo qoys gobolka Saraan in ay raashin u qaybiyeen oo ay qoys kasta siiyeen 7 nooc oo ka mid ah raashin ah waxaanu intaa ku daray in ay gobolada Selel iyo Awdal in ay ka qaybiyeen raashin kan oo kale isla markaana ay raashin siiyeen toban kun oo qoys.
Waxaanu intaa ku daray in raashinkan uu ku deeqay Boqorka Sucuudiga Boqor Salmaan Binu Cabdulcasiis soona mariyay Hay’adda gargaarka dalalka Islaamka isla markaana uu ku yimi dedaal Xukuumadda Somaliland ugu jirto in ay dadkeeda kaalmo gaadhsiiso ugana doonto dalalka ay saaxiibka yihiin wixii awoodeeda ka baxsan.
“waxaanu ku qaybinay gobolka Saraar raashin aanu gaadhsiinay 2 kun oo qoys oo aanu siinay 7 nooc oo raashin ah, oo isugu jira Bariis,daqiiq, baasto Timir Biinis,Caano iyo Sonkor waana raashin ku filan ugu yaraan bisha Ramadaan waxaa kale oo aanu raashin qaybin ka bilaabaynaa degmada Taleex iyo Tukaraq oo ay joogaan dad badan oo abaartii dalka ka dhacday xoolihii ay ka qaaday markaa halkaana waxaa noo qorshaysan in aanu illaa 2500 laba kun iyo shan boqol oo qoys in aanu ku siino raashin,waxaanan aad iyo aad ugu mahad naqaynaa wakiilka ka socda boqorka Sucuudiga ee halkan(Caynaba) nala jooga oo illaa Xuddun nala socday.”
Guddoomiye Faysal oo ka hadlayay raashin kale oo ay gobolada galbeedka ku qaybiyeen,ayaa yidhi. “goboladii duufaantu ku dhufatay ee gobolada Awdal,Selal iyo Saaxil waxaanu ku qaybinay raashin aanu siinay 10 kun oo qoys oo ah qoysayskii duufaantii gobolada galbeedka dalka ku dhufatay ay saamaysay isku mar ayaanan qaybinta ka bilawnay gobolada galbeed iyo bari, waana dedaal xukuumaddu ku quudinayso dadkeeda jilicsan meelkasta ha joogaane.”

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face