Published On: Sat, Dec 20th, 2014

Hay’adda Waddooyinka Addis Ababa Oo Maayarka Caasimadda Hargeysa U Balanqaaday Tababaro Shaqaalaha Dawladda Hoose

Smiley face

Kulanka Maayarka Iyo Maareeyaha AACRAAddis Ababa(ANN)Maayarka Caasimadda Somaliland ee Hargeysa, Cabdiraxmaan Maxamuud Caydiid oo maalmahan u dambeeyay socdaal shaqo ku jooga xarunta dalka Itoobiya ee Addis Ababa, ayaa shalay kulan dheer la qaatay Maareeyaha Guud ee hay’adda hay’adda maamusha waddooyinka Caasimadda dalka Itoobiya ee Addis Ababa [Addis Ababa City Road Authority (AACRA)], Eng. Fekade Haile iyo qaar ka mid ah madaxda kale ee hay’adaas.

Kulanka Maayarka iyo Guddoomiyaha Wadooyinka Itoobiya
Kulankan wada-hadalka ah ayay Maayarka caasimadda Hargeysa iyo Masuuliyiinta hay’adda AACRA oo ah hay’adda dhinaca wadooyinka caasimadda Itoobiya ee Addis Ababa ka shaqaysa, isla markaana hoos tagta Maamulka dawladda Hoose Addis Ababa, ayay daba socday kulankii dorraad dhexmaray Maayarada Hargeysa iyo Addis Ababa, waxaanay kaga wada-hadaleen sidii ay dawladda hoose ee Addis Ababa u taageeri lahayd dhinacyada tababarada iyo aqoon-korodhsiga ee la xidhiidhada waddooyinka iyo wixii qalab ah, waxaanay masuuliyiinta hay’adda AACRA kulankaas Maayarka Hargeysa sharax muuqaal (presentation) ka siiyeen habka ay u qorsheeyaan waddooyinka caasimadda Itoobiya ee Addis Ababa.
Sidoo kale waxay labada dhinac kulankaas iskula qaateen sidii hay’addani Injineero iyo shaqaale ka tirsan dawladda Hoose ee Hargeysa ah tababar ugu siin lahayd habka sameynta qorsheynta waddooyinka Caasimadda Hargeysa iyo weliba tababar kale oo shaqaalaha iyo injineerada dawladda hoose ee Hargesya lagu tababari doono samaynta jidadka xaafadaha dhexdooda ah ee dhagaxaanta la qorey laga sameeyo.

Mayar iyo Guddomiyaha Waddooyinka(1)
Sidoo kale wuxuu Maareeyaha Guud ee hay’adda Maareeyaha AACRA, Eng. Fekade Haile u balanqaaday Maayarka Caasimadda Hargeysa Cabdiraxmaan Caydiid inay ku caawin doonaan wixii qalab ah ee ay awoodi karaan.
Ugu dambeyntii Maayarka Hargeysa, ayaa masuuliyiinta hay’adda AACRA, waxa uu uga mahadnaqay soo dhawaynta iyo taageerada ay u balanqaadeen inay ku caawin doonaan, isagoo dhinaca kalena ku hambalyeeyay qorshaha horumareed ee dhinaca waddooyinka ee ka muuqda waddooyinka caasimadda Itoobiya ee Addis Ababa.
Dhinaca kale, Maayarka Hargeysa, ayaa shalay waxa uu Addis Ababa kala kulmay ardayda reer Somaliland ee wax ka dhigata Jaamacadaha dalka Itoobiya, kulankaas oo uu Maayarku ardayda uga waramay guud ahaan xaaladda dalka Somaliland, halka dhinacoodana ay ardaydu xog-waran ka siiyeen xaaladahooda waxbarasho.

About the Author

- Arraale Mohamoud Jama is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com + 252 63 442 5380 + 252 63 4764409 + 252 63 442 5380

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley face Smiley face Smiley face Smiley face Smiley face