Share this:

" />
Published On: Mon, Mar 5th, 2018

Haddii Aad Doonayso Inaad Xasuusato Wax aad Ilawday Yara Seexo

Smiley face

Hurdada, ayaa la ogaaday in ay laban laabto fursada qofku wax dib ugu xasuusan karo, haddii uu ilaabay macluumaad u muhiim ah sida lagu helay cilmi-baadhis cusub.

Khubarada daraasadan samaysay waxay aaminsan yihiin in hurdadu faa’iido u leedahay in qofku xasuusto wax aanu soo jeedka ku xasuusan karin, maskaxdana dib ugu qasabta in ay soo saarto macluumaad ay lumisay.

Dad si mutadawacnimo ah uga qaybqaatay cilmi-baadhistan, ayaa la waydiiyey in ay xasuustaan macluumaad ka kooban kelmado ka hor inta aanay habeennimada seexan iyo kadib 12 saacadood oo ay hurdeen markay soo tooseen.

Dadkii hurdada seexday ee su’aashaas la waydiiyey waxay ka xusuus fiicnaadeen kuwii iyagoo aan seexan jawaabta la waydiiyey, waxaanay cilmi-badhayaashu soo jeediyeen in ardayda ay u fiican tahay waqtiyada imtixaannada in ay akhriska kadib hurdo fiican seexdaan si ay su’aalaha iyo macluumaadka la waydiiyo uga jawabaan.

Dr. Nicolas Dumay oo ah khabiir cilmi-nafsiga ku takhsusay, kana tirsan Jaamacada Exeter, ayaa sheegay in hurdado laban laabto fursada uu qofku ku xasuusan karo waxyaabo uu ilaabay, waxaannu yidhi; “Hurdada la seexdo, kadibna la isku dayo in la xasuusto wax aad ilawday waxa ay kuu saamaxaysa in xusuustaadu kor u soo kacdo, tanina waxay faa’iido u tahay dadka, maadaama hurdadu dib u soo celiso xog iyo macluumaad aad hilmaanta. Laakiin, arrintan waxa ay u baahan tahay cilmi-baadhiso dheeraad ah si macluumaad fiican looga soo saaro oo la isugu halayn karo.”

Cilmi-badhayaashu waxa ay sheegeen hurdadu faa’iido u tahay qaybta la yidhaa Hippocampus ee maskaxda u qaabilsan xasuusta.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face