Share this:

" />
Published On: Wed, Jan 20th, 2016

Kenya oo markii ugu horreysay shaacisay tirada ciidan badan oo kaga dhintay weerar Al-shabaab ku qaadday millatarigooda

Smiley face

Araweelo News Network

Mrs. Rachael Omamo  Kenyan Defense Minister

Mrs. Rachael Omamo Kenyan Defense Minister


Nairobi (ANN)- Dawladda Kenya ayaa markii ugu horreysay shaacisay qiyaas ku saabsan tirada askarta kaga dhintay weerar dagaalyahannada Al-shabaab ku qaadeen saldhig ciidankoodu ku lahaayeen degaanka Ceel-cadde oo ka tirsan Gobolka Gedo ee koonfurta dalka Soomaaliya maalintii Jimcaha ee toddobaadkan.
Wasiirka Gaashaandhigga Kenya Mrs. Rachael Omamo oo warbaahinta kula hadashay magaalada Nairobi shalay, ayaa sheegtay in qiyaastii 80 askari oo ka tirsan ciidammadoodu ku waxyeelloobeen weerarkii Al-shabaab ku qaadday saldhigga Ceel-cadde.
Inta badan ciidankan ayaa la sheegay in aan illaa hadda la ogeyn geeri iyo nolol midka ay ku sugan yihiin, waxana socda baadhitaanno xooggan oo ciidammada cirka ee Kenya ku baadi-goobayaan askar aad u badan oo ka tirsanaa saldhigga millatariga ee kooxda Al-shabaab weerarka ku qaadeen.
Wasiir Rachael Omamo ayaa sheegtay in weerarka saldhigga ciidamaddoodu ku lahaayeen Soomaaliya loo adeegsaday qaraxyo is-miidaamin ah oo aad u khatar badnaa.
“Ciidammada Kenya ee ku waxyeelloobay weerarka waxay ka tirsanaayeen kuwa AMISOM ee Soomaaliya,” ayay tidhi Omamo, iyadoo diidday inay faahfaahin ka bixiso in la dilay, in la dhaawacay iyo in la qabsaday.
Saldhigga AMISOM ee Ceel-cadde ayaa la sheegay inay ku sugnaayeen ciidammo Kenyan ah oo tiradooda lagu sheegay illaa 250 askari, iyagoo Al-shabaab sheegtay inay ku dileen weerarkaas ku dhowaad 100 askari, 12 kalena gacanta ku dhigeen iyagoo nool.
Waxa kaloo Recael Omamo xustay in hawlgalka lagu baadi-goobayo ciidammadooda maqan uu bilowday  markii weerarku dhacay kadib, illaa haddana socdo, siina socon doono illaa la badbaadinayo dhammaan ciidammada ka maqan.
Sidoo kale, waxay caddaysay in xaaladda degaanka ciidankooda lagu weeraray tahay mid khatar ah, ciidammada maqanna ku sugan yihiin xaalad halis ah oo aan la qiyaasi karin.
“Qoysaska askarta waxyeelladu soo gaadhay ayaan marka hore u gudbinaynaa warbixin ku aaddan sida khaaaruhu u soo kala gaadhay, markaas kaddib ayaanuna shacabka Kenya u soo gudbin doonnaa warbixin sugan,” ayay hadalkeeda ku dartay Omamo.
Geesta kale, tiro kale oo ciidammada Kenya ee ku dhaawacmay weerarkaas ayaa la geeyey Nairobi gelinkii hore ee shalay, iyadoo weerarkani noqonayo kii ugu xumaa ee ciidanka dalkaas lagula beegsado gudaha waddanka Soomaaliya.

Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews

WhatsApp + 252 63 442 5380 Send an SMS or MMS to + 252 63 476 4409

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face