Share this:

" />
Published On: Wed, Mar 22nd, 2017

Khasaaraha Ka Dhashay Weerar Lagu Qaaday Dhismaha Baarlamaanka Britain

Smiley face

Araweelo News Network


London (ANN)- Weerar khasaare dhaliyay, ayaa lagu qaaday xarunta Baarlamaanka Ingiriiska ee magaalada London. Kadib markii Nin gaadhi watay gaadhigiisa jiidhsiiyay dad marayay buundada lagu magcaabo Westminster ee kaabiga ku haysa dhismaha Aqalka Baarlamaanka oo xilligaa ay khudbad ka jeedinaysay Haweenayda Ra’iisul wasaaraha Britain Theresa May.

Qofka weerarka qaaday, ayaa gaadhiga uu watay ka dagay, wuxuuna isagoo ku hubaysan Middi ku weeraray sarkaal boolis ah, kaas oo goobta ku dhintay, iyadoo markaa kadib la dilay Ninkaa sida uu sheegay Taliyaha Booliska Britain.

Sidoo kale Haweenay ayaa la sheegay in la dilay ka hor intii aanay isku dayin in ay gudaha u gasho Aqalka Baarlamaanka Ingiriiska, waxaana dhimashada khasaaraha weerarkaa lagu sheegay Afar qof oo uu ku jiro qofkii weerarka soo qaaday iyo sarkaal Booliska ka tirsan.

Saraakiisha Caafimaadka, ayaa sheegay in 20 qof ay ku dhaawacmeen weerarka, waxaana kumanaan ka tirsan ciidamada Booliska lagu daadiyay goobta weerarku ka dhacay, warbaahinta BBC-da ayaa baahisay muuqaallo muujinaya xaalad cabsi leh oo ka taagan wadada Westminster oo ah halka mashaqadu ka dhacday, isla markaana ka mid ah goobaha ugu muhiimsan London.


Xukuumadda Britain, waxay weerarkaa ku tilmaantay inuu ahaa mid ‘Argagaxiso’, balse ma jirto cid sheegatay ilaa hada weerarkaa oo cabsi iyo xaalad wer-wer ah abuurtay.
Haweenayda Ra’iisul wasaaraha Britain Theresa May oo ku sugnayd dhismaha Baarlamaanka oo doodi ka socotay xilliga weerarku dhacay, ayaa lagala cararay goobtaa.
Dalalka Maraykanka, Faransiiska iyo wadamo kale, ayaa canbaareeyay weerarkaa.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face