Share this:

" />
Published On: Thu, May 25th, 2017

Komishanka Doorashooyinka iyo Qaadhaan-bixiyeyaasha Somaliland Oo Kulan Dhexmaray

Smiley face

Araweelo News Network

Hargeysa (ANN)- Komishanka Doorashooyinka Qaranka ee Jamhuuriyadda Somaliland iyo Guddi ka kooban qaadhaan-bixiyeyaasha dhinaca dhaqaalaha ka taageera, ayaa kulan ku yeeshay xarunta Guddida Doorashooyinka ee caasimadda Hargeysa.

Sida lagu sheegay qoraal ka soo baxay Komishanka Doorashooyinka, kulanka ay la qaateen xubnaha Guddida ah oo ka kala socday Midawga Yurub (EU), Dawladda Ingiriiska (FCO UK), Denmark (DANIDA) hay’adaha Interpeace, iyo Creative, waxa ay xog-warran kaga siiyey qaabkii ay u dhacday qaybinta kaadhadhka codbixiyeyaasha ee Gobollada Awdal, Saaxil iyo xeebaha Gobolka Sanaag.
“Shir muhiim ah oo maanta oo Arbaca ah 24/05/2017 ka dhacay xarunta Komishanka Doorashooyinka Qaranka. Kulankaas oo ku saabsanaa xog-warran la xidhiidha qaabkii ay kaadh-qaybinta codbixiyuhu uga dhacday Gobollada Awdal iyo Saaxil iyo Xeebha Gobolka Sanaag.
Komishanka Doorashooyinka Qaranka oo uu guddoominayay Guddoomiye-ku-xigeenka Komishanka Md. Maxamuud Wacays ayaa kooxaha ka taageera dhinaca dhaqaalaha ee loo yaqaan “Donor Working Group” (Guddida Qaadhaan-bixiyeyaasha) oo ka kala socday EU, FCO UK, Denmark, DANIDA, Interpeace, iyo Creative) war-bixin ka siiyey hawshaas kaadh-qaybinta iyo sida ay u qabsoontay, sidoo kale waxa ay Komishanka Doorashooyinka Qaranku ka war bixiyeen sidii hufneyd ee kaadh-qaybintu u dhacday io horumarka laga gaadhay gobolladaas.
Hawshan kaadh-qaybinta ayaa ah mid loogu diyaar-garoobayo doorashada Madaxweynaha iyo Madaxweyne-ku-xigeynka ee ku suntan in ay dhacdo 13 November 2017. Xubnihii ka soo qaybgalay ee ka socday “donor working group” ayaa aad u soo dhaweeyay sida ay Komishanka Doorashooyinka Qaranku u qabteen hawsha, kuna hambalyeeyey waxqabadkooda iyo warbixinta uu komishanku siiyay, waxayna sheegeen inay Komishanka gacan ku siinayaan sida ay u wadaan hawlaha doorashooyinka,” ayaa lagu yidhi qoraalka ka soo baxay Komishanka Doorashooyinka Somaliland.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face