Share this:

" />
Published On: Wed, Oct 7th, 2015

Kulan Jilbaha Lays-dhigay Oo Taageero Loogu Muujiyay Guddoomiyaha KULMIYE Muuse Biixi

Smiley face

kulankamuuseHargeysa(ANN)kulan baldhaan oo casuumadeed, ayaa lagu qabtay shalay Huteelka Green Plaze ee galbeedka Hargeysa, kaas oo ay kasoo qaybgaleen Ergooyinka Golaha Dhexe ee xisbiga KULMIYE Kaga Jira Deegaamadda Woqyooyiga iyo galbeedka iyo Hargeysa iyo sidoo kale gobolka Saaxil ee Berbera,
kulanka2

Kulankaa oo ahaa mid jilbaha laysdhigay,waxay ujeedadiisu ahayd sidii taageero balaadhan iyo cudud loogu muujin lahaa murrashaxnimada Madaxweynenimo ee Guddoomiye Muuse Biixi Cabdi kadib dhamaadka mudada xileedka Madaxweyne Siilaanyo.
kulanka3
Hoolka uu ka dhacay kulanku, waxa loo ogolaaday warbaahinta inay sawiro ka qataan oo keliya, tiro aan ka yarayn 50 Ergay oo golaha dhexe ee xisbiga kaga jira Xisbiga KULMIYE deegaamadaa, ayaa ka qaybgalay kulankaa oo ay sidoo kale ka qaybgaleen xubno aqoonyahano kasoo jeeda deegaamadaa.

Waxa kale oo kulankaa ka qaybgalay xubno ka mid ah masuuliyiinta Xukuumadda kaga jira deegaamada Saaxil, Hargeysa iyio Gebilay, xildhibaanno, Maareeyayaal iyo Agaasimayaal iyo siyaasiyiin kale,

Xubnaha ka qaybgalay kulankaa, ee Masuuliyiinta Xukuumadda waxa ka mid ahaa Wasiirrada Wasaaraddaha Qorshaynta Qaranka iyo Beeraha – Dr. Sacad Cali Shire iyo Dr. Maxamed Aw Daahir, Wasiir-ku-xigeennada Wasaaradaha Daakhiliga iyo Warshadaha – Axmed Faarax Cadarre iyo Cali Axmed Maxamed (Dhegoole),
kulanka4
Sidoo Xilldhibaanno ka tirsan Golaha Wakiillada oo ay hormood u haayeen; Ibraahim Axmed Haybe, Maxamed Xuseen, Maxamed Baaruud, Axmed Waysa-cadde iyo xubno kale, Maareeyaha Dekedda Berbera Eng. Cali Cumar Maxamed (Cali Xoor-xoor), Guddoomiyaha Komishanka La-dagaallanka AIDS Prof. Cabdi Cali Jaamac, Agaasimaha Xafiiska Samofalka Madaxtooyada Aamina Maxamuud Diiriye, Maareeyaha Xafiiska Xidhiidhka Mucaawanooyinka WFP Mr. Siciid Xasan Ibraahim, Guddoomiyaha Garabka haweenka ee KULMIYE Canab Cumar Ileeye, Agaasimayaasha qaar ka mid ah wasaaradaha xukuumadda, guddoomiyayaasha xisbiga ee saddexda Gobol ee Maroodi-jeex, Saaxil iyo Gabile.

Guddoomiyaha Xisbiga KULMIYE, Muj. Muuse Biixi Cabdi, ayaa lagu casuumay kulankaa oo taageero loogu muujinayay, iyadoo warar laga helay markii uu dhamaaday kulanka oo qado iyo fadhi ahaa madasha cudur-daar lagaga bixiyay, isla markaana magacyadooda laga xaadiriyey ilaa 14 xubnood oo kale oo kulanka uga baaqday sababo hawlo gaar ah, kuwaas oo laga xusay Wasiirka Warshadaha Shucayb Maxamed Muuse iyo Wasiirkii hore ee Arrimaha Dibadda Maxamed Cabdillaahi Cumar iyo masuuliyiin kale.

Xoggaha laga helay kulankaa, ayaa sheegaya in uu aha mid ay isku xog-waraysteen Ergooyinka masuuliyiinta, xildhibaanada iyo Aqoonyahanka ku kulamay, isla markaana ku muujiyeen sida ay uga go’an tahay inay dhisaan murrashaxnimada Muuse Biixi Cabdi ee xisbiga KULMIYE gudihiisa Madaxweynaha Axmed Siilaanyo kadib, isla markaana xubnaha kulanka ka qaybgalay, waxay isku dardaareen sida ay sheegayaan wararka laga helay kulankaa kadib inay isku dadaareen sidii looga dhabayn lahaa in Guddoomiyaha KULMIYE, Muuse Biixi ugu guulaysan lahaa doorashada murrashaxnimada madaxweynenimo ee tartanka shirka Golaha Dhexe ee xisbiga.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face