Share this:

" />
Published On: Thu, Jun 29th, 2017

Madaxweyne Ku Xigeenka Somaliland Oo Qaabilay Safiirka Maraykanka Ee Soomaaliya iyo Madaxa Hay’adda USAID Ee Nairobi

Smiley face

Araweelo News Network


Hargeysa(ANN)-Madaxweyne ku xigeenka Somaliland, ahna Ku simaha Madaxweynaha mudane, Cabdiraxmaan Cabdilaahi ismaaciil (Saylici) ayaa xafiiskiisa ku qaabilay wefti ka socday safaaradda uu Maraykanku ku leeyahay Nairobi iyo madaxa hay’adda USAID xarunteeda magaalada Nairobi oo booqasho ku yimi Somaliland.

US Ambassador

US Ambassador Somalia Stephen Schwartz, photo by, Araweelo News Network

Somalia Stephen Schwartz, photo by, Araweelo News Network

Madaxweyne ku xigeenka, isla markaan ah ku simaha madaxweynuhu kulanka uu la yeeshay wefdiga waxa ku weheliyay wasiirada arrimaha dibada, arrimaha gudaha, warfaafinta, Diinta iyo aw-qaafta, degaanka iyo wasiiru-dawlaha madaxtooyada, waxaana weftiga hogaaminayey safiirka Maraykanka Mr. Stephen M. Schwartz, iyadoo ay ku weheliyeen boqashada madaxa hay’adda USAID Mr Alex Dickie.

Kulanka waxa diirada lagu saaray xoojinta cilaaqaadka ee dawladaha Somaliland iyo Maraykanka, ka war haynta arrimaha doorashooyinka iyo xaalada abaaraha ee Somaliland ku dhuftay sanadihii la soo dhaafay.

Wasiirka amuuraha dibeda ee Somaliland Dr Sacad Cali Shire ayaa saxaafadda la hadlay markii kulankaasi soo idlaaday, waxaanu yidhi “Saaka waxa halkan bookhasho inoogu yimi wefti ka socday safaarada Maraykanka oo uu hogaaminaayo safiirkay Maraykanka Soomaaliya iyo Somaliland ee fadhigiisu yahay Nairobi Stephen M. Schwartz iyo madaxa haya’dda USAID. Waa markii ugu horaysay ee ay ina soo siyaartaan si ay ula kulmaan dawladda, asxaabta iyo ururada bulshada si ay ugu kuur galaan xaaladeena xaga baaraha, doorashooyinka, xaga bulshada iyo dhinacyo fara badan.

Saaka shirkaa waxa noo gudoomiynayey madaxweyne ku xigeenka si aad iyo aad u wanaagsan ayuu noogu dhacay, si saraaxad leh waanu isugu waranay waxa aanu rajaynayaa awalba cilaaqaadkeenu uu wanaagsana inaga iyo Maraykanka inuu ka sii wanaagsanaado intii hore, insha Allah waxa aanu rajaynayaa inay mar kale nagu soo noqdaan musqablka”.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face