Share this:

" />
Published On: Thu, Jul 16th, 2015

Madaxweyne Siilaanyo Muxuu Ka Yidhi Geerida Fu’aad Aadan Cadde Oo Ahaa Halyeey Ka Mid Ahaa Siyaasiyiinta Doorka Kasoo Qaatay Nabadayntii Iyo Dhismaha Qaranka Somaliland

Smiley face

fuaadadancadeHargeysa(ANN)Madaxweynaha Somaliland ayaa ka hadlay geerida La taliyihiisii arrimaha Bariga Somaliland Marxuum Fu’aad Aadan Cadde oo ahaa siyaasi iyo Oday dhaqameed kaalin weyn kasoo qaatay dib u dhiskii qaranka Somaliland iyo nabadayntii tan iyo markii Somaliland lasoo noqotay Madaxbanaanideedii shirweynihii Burco 18 May 1991, ee lagaga dhawaaqay inay Somaliland qaranimadeedii dib u yab-yabanay kadib halgan dheer oo dhiig baddani ku daatay.
Marxuum Fu’aad oo ahaa siyaasiyiinta Somaliland ee kasoo jeeda deegaanka Sool, isla markaana qoys caan ah ka dhashay, Marxuumka waxa dhowaan dalka Turkiga loogu qaaday dhaawac kasoo gaadhay Misigta. Kadib markii gaadhi ku jiidhay Madaxtooyada dhexdeeda, halkaas oo uu ku geeriyooday.
Marxuumka ayaa xilal kala duwan kasoo qabtay xukuumaddihii kala duwanaa ee soo maray Somaliland, wuxuuna ahaa shaqsi ixtiraam iyo qadarin ku kasbaday mudadii uu ka dhex muuqday saaxada Siyaasada Somaliland iyo fagaarayaasha masraxa siyaasada.
Dhanbaal kooban oo Madaxweyne Siilanyo kaga hadlay geerida Marxuum Fu’aad Aadan Cadde, ayaa sidoo kale lagu qiray tilaamaha aynu sheegnay ee uu Marxuumku lahaa, wuxuuna dhanbaalka Madaxweyne Siilaanyo u qornaa sidan:-
“Madaxweynaha Jamhuuriyada Somaliland Mudane Axmed Maxamed Silaanyo waxa uu tacsi u dirayaa, Siyaasiyiinta Dalka, Aqoonyahanka, waxgaradka, Ugaasyada, Boqorada, Isimada, Salaadiinta, Cuqaasha, iyo guud ahaan shacbiga Somaliland isaga oo ka tacsiyadaynaaya geerida ku timid ALLE ha u naxariistee Marxuum Fuaad Aadan Cade oo ku geeriyooday Dalka Turkiga saaka 15/07/2015.

Madaxweynuhu waxa uu marxuumka ku tilmaamay siyaasi ruug cadaadi ah oo ka baxay shacbiga iyo dalka Somalilandba, laguna xasuusan doono go’aamadii geesinimada lahaa ee uu ka geystay nabadayntii iyo dib u dhiskii dalka isaga oo dedaal weyn u galay sidii shacbiga Somaliland ee walaalaha ahi ay ugu wada noolaadan, deris wanaag iyo horumar, waxaanu ahaa muwaadin dhaba oo aan ka gaban mawqifkiisa wadanimo.

Marxuumku waxa uu xilal kala duwan ka soo qabtay qaranka Somaliland isaga oo la soo sheegeeyey guud ahaan madaxdii kala duwanayd ee soo martay hogaanka dalka oo uu ilaa wakhtigan ahaa la-taliyaha madaxweynaha ee arrimaha bariga Somaliland.

waxaanu madaxweynuhu tacsi taasi la mida u dirayaa Qoyskii, Ehelkii, Qaraabadii, iyo Asxaabtii uu ka baxay Alleh ha u naxaristee Marxuumku.

Madaxweynuhu waxa uu marxuumka Alle uga baryayaa inuu naxariistii jannatu fardawsa ka waraabiyo, Aqoonyahanka, waxgaradka, Ugaasyada, Boqorada, Isimada, Sulaadiinta, Cuqaasha, iyo guud ahaan shacbiga Somaliland ee uu ka baxayna Samir iyo iimaan saadiqa ka siiyo.”

IN-NAA LILLAAHI WA IN-NAA ILAYHI RAAJICUUN
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face