Share this:

" />
Published On: Tue, Oct 10th, 2017

Madaxweyne Siilaanyo Oo Dardaaran U Jeediyay Arday Ka Qalinjebisay Jaamacada Admas Ee Hargeysa

Smiley face

Araweelo News Network

 

Hargeysa(ANN)-Madaxweynaha Jamhuuriyadda Somaliland, Mudane Axmed Maxamed Silaanyo, waxa uu maanta ka qaybgalay qalinjebinta dufcadii 9aad ee ka baxda Jaamacada Admas, oo munaasibad balaadhan maanta loogu qabtay hotel Mansor Hargeysa, madaxweynaha oo halkaasi ka jeediyey khudbad xambaarsan hambalyo iyo dardaaran ayaa yidhi “Dhammaan marti-sharafta, masuuliyiinta kala duwan, madaxda Jaamacadda, Macalimiinta iyo Ardayda “ASSALAAMU CALAYKUM WA-RAXMATULLAAHI WA-BARAKAATU”

 

Mudanayaal iyo Marwooyin,

 

Ugu horreyn, sharaf weyn bay ii tahay, in aan idin kala soo qayb-galo xafladda qalin jebinta dufcadda 9aad ee Jaamacadda Admas, waxaan si gaar ah u hambalyeynayaa, Ardayda maanta qalin-jebisay kulliyadaha Jaamacadda Admas. Sidoo kale, waxaan hambalyeynayaa waalidka iyo cid kasta oo gacan ka geysatay, guushan ay gaadheen,

Waxaan si weyn u bogaadinayaa maamulka, madaxda iyo macalimiinta Jaamacadda Admas, dedaalka iyo horumarka ay ku tallaabsadeen muddadii ay Jaamacaddu jirtay. Jaamacadda Admas waxay kaalin muq leh ka qaadatay, tayeynta iyo casriyeynta waxbarashada dalka, isla markaana ay ku guuleysatay horumar weyn, muddadii ay jirtay.

 

Duco-qabayaal,

Waxa xusid mudan, in Ardayda Jamhuuriyadda Somaliland, meel kasta oo ay joogaan, ay waxbarashada ku wanaagsan yihiin, iyada oo ay jiraan arday reer Somaliland ah oo guulo waa weyn ka soo hooyey, Jaamacaddo ku kala yaalla dalalka dibeda. Sidaa darted, waxaan idinkula dardaarmayaa, in ay-daan ka daalin waxbarashada, oo aad sii wadaan halkanka iyo dedaalka aqoon raadinta, si aad u gaadhaan heer aad u sarreeya.

 

Duco-qabayaal,

Guntii iyo geba-gebadii, waxaan idinku guubaabinayaa, in aad ka fogaataan dhaqamada xun ee aafeeya il-baxnimada iyo horumarka bulshoooyinka caafimaadka qaba, sida: kala-qaybsanaanta, qabyaaladda, tahriibta, dal nacaybka iyo bal-wadaha”.

Guuleysta,,, Guuleysta,,, Guuleysta,,,

ALLAA MAHAD LEH

 

Naasir Yuusuf Daahir
Director Presidential of Media

Hargeisa – Republic of Somaliland

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face