Share this:

" />
Published On: Mon, Apr 6th, 2015

Madaxweyne Siilaanyo Oo Digreeto Aan La Shaacin Ku Magcaabay Guddi Cusub Oo Heer Qaran Ah Iyo Hawsheeda

Smiley face

madaxweyne SilanyoxafiiskaHargeysa(ANN)Madaxweyne Axmed Maxamed Maxamuud (Siilaanyo), ayaa xubno isugu jira wasiirro, xildhibaanno, aqoonyahan iyo abwaanno u magacaabay maamulka Akadamiga Cilmiga iyo Fanka ee Somaliland.

Sida ku cad digreeto aan la shaacin oo xafiiska Madaxweyne Siilaanyo soo saaray 21 March 2015, waxa uu ku magacaabay 13 xubnood oo noqonaya guddiga maamulka Akadamiga Cilmiga iyo Fanka Jamhuuriyadda Somaliland, isagoo xubnahaas faray inay dhaqaajiyaan horumarinka cilmiga iyo fanka.

“Aniga oo tixraacaya qoraalka Wasaaradda Waxbarashada iyo Tacliinta Sare ee ujeeddadiisu tahay soo-jeedin magacaabidda xubnaha Akadamiga Cilmiga iyo Fanka. Haddaba, mudanayaal, waxaan idiin magacaabay in aad noqotaan xubnaha Akadamiga Cilmiga iyio Fanka Jamhuuriyadda Somaliland.

Sidaa darteed, waxaan idinka fajaynayaa in aad xil mug iyo miisaan leh iska saari doontaan hawlaha cilmiga iyo fanka Jamhuuriyadda Somaliland,” ayuu Madaxweynaha Somaliland ku yidhi digreetadiisa.

13-ka xubnood ee loo magacaabay hoggaaminta Akadamiga Cilmiga iyo Fanka Somaliland waxa guddoomiye u ah Wasiirka Wasaaradda Waxbarashada iyo Tacliinta Sare Prof. Faarax Cilmi Maxamuud (Geedoolle), Guddoomiye-ku-xigeenna Wasiirka Wasaaradda Maaliyadda marwo Samsam Cabdi Aadan, waxana xubno ka ah; Wasiirka Wasaaradda Qorshaynta Qaranka iyo Horumarinta Dr. Sacad Cali Shire, Wasiirka Wasaaradda Degaanka iyo Horumarinta Reer Miyiga marwo Shukri Xaaji Ismaaciil Baandare, Wasiir-ku-xigeenka Wasaaradda Qorshaynta Qaranka, Cabdikariim Axmed Mooge, xildhibaan Cabdiraxmaan Yuusuf Cartan, abwaan Maxamed Ibraahim Wasrame (Hadraawi), Cali Xuseen Ismaaciil (Shoombe) oo dhowaan loo magacaabay Safiirka Somaliland ee Kenya, Prof. Saleebaan Axmed Guuleed, Axmed Ibraahim Cawaale, Dr. Maxamed Warsame Ducaale, Dr. Siciid Axmed Xasan iyo Dr. Axmed Xuseen Ciise.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face