Share this:

" />
Published On: Sat, Apr 15th, 2017

Maraykanka oo Bamkii Ugu Waynaa ku Dhufatay Degaanno ku Yaal Bariga Afghanistan

Smiley face

Araweelo News Network

Washington (ANN)- Dawladda Maraykanka, ayaa bamkii ugu weynaa taariikhda ku dhufatay degaanno ku yaal bariga dalka Afghanistan oo ay ku yaal dhufaysyo iyo godad dhulka hoostiisa ah oo ay adeegsadaan dagaalyahannada ISIS.
Qumbuladan bamka ah ee lagu dhuftay goobaha dhufayska u ah Kooxda ISIS ee dalka Afghanistan, waxa lagu sifeeyey inay tahay bamka ugu weyn ee aan nugliyeer ahayn oo markii u horaysay lagu isticmaalay goob dagaal, taasoo awoodeedu tahay inay burburiso xarumaha dhulka hoostiisa ah ay adeegsadaan dagaalyahannadu, iyadoo bamkan lagu duqeeyey Afghanistan uu culayskiisu dhan yahay 9,500 kg, taasoo ka culus qumbuladii nugliyeerka ahayd ee lagu dhuftay magaalada Heroshima ee dalka Japan xiligii uu socday dagaalkii labaad ee adduunku.
Guriga Cad ee looga taliyo dalka Maraykanka iyo Taliska Guud ee ciidanka dalkaas, ayaa xaqiijiyey shalay inay bamkaas aadka u weyn u isticmaaleen si loogu burburiyo godad iyo xarumo dhulka hoostiisa ah oo ay ku dhuuntaan dagaalyahannada ISIS ee ka hawlgala dalka Afghanistan, kuwaasoo aan lagu waxyeelayn karin duqaymaha gantaalaha caadiga ah ee dhinaca cirka lagaga soo rido.
Bambkan culayska iyo baaxaddiisu wayn tahay oo la yidhaah hooyada bambooyinka oo dhan – MOAB – Mother of all bombs), waxa markii u horaysay la tijaabiyey sannadkii 2003-kii, iyadoo Afhayeen u hadlay Aqalka Cad ee looga taliyo Maraykanku sheegay in bamka ay isticmaaleen shalay qorshihiisu yahay in lagu wiiqo awoodda dagaalyahannada ISIS ee ku dhuumaalaysta godadka ay ku samaysteen dhulka hoostiisa.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face