Share this:

" />
Published On: Thu, Oct 5th, 2017

Murrashaxa Xisbiga WADDANI Oo Ganacsatada Uga Digay In Ay iibsadaan Dhulka iyo Hantida Dawladda

Smiley face

Araweelo News Network

Photo file Murrashaxa Madaxweynaha, isla markaana ah Guddoomiyaha WADDANI Cabdiraxmaan Maxamed Cabdilaahi Ciro

Hargeysa (ANN)- Murrashaxa Madaxweynaha xisbiga WADDANI Md. Cabdiraxmaan Maxamed Cabdillaahi (Cirro), ayaa digniin u diray ganacsatada lacagtooda geliya dhulka dawladda ee loo kala iibsado sifada sharci-darrada ah.

Md. Cabdiraxmaan Cirro oo hadal ka jeediyey xaflad loo sameeyey taageerayaal  ku biiray xisbiga WADDANI , waxa kaloo uu sheegay in sicir-bararku saamayn xoogan ku yeeshay qaybaha kala duwan ee bulshada reer Somaliland.

“Waxa aannu hore ugu dhawaaqnay, shacbigana u xaqiijinayna in wax allaale wixii hanti Qaran ah ee ku baxay sifo aan sharci ahayn gacanta shacbiga lagu soo celin doono. Hore waanu uga dignay, haddana waanu ku celinayna dadka ganacsatada ah ee maamulka 30-ka cisho u hadhsan yahay wax ka iibsanaya waxaannu leenahay lacagtiina ha iska khasaarinina,” ayuu yidhi Guddoomiye Cirro.

Waxaannu intaas ku daray; “Waxaannu Insha Allaah shacbiga ka saari doona rajo-beelka oo waxaannu u soo celin doona rajada. Maanta shacbiga waynu ka warqabnaa oo waxa noloshooda hoos u dhigay oo cidhiidhyay sicir-bararka oo wax walba wuu taabtay sixir-bararku, guri walba wuu taabtay, shaqaalaha dawladda wuu taabtay, askariga ciidanka ah wuu taabtay, Insha Allaah waxaannu la imanaynaa oo ku hawlgalayna siyaasad cad oo lagu xakamaynayo sixir bararka.”

“Bulshada Somaliland waxaan ugu baaqayaa maanta waxa la kala dooranayaa rajo iyo rajo beel, caddaalad iyo caddaalad-darro, ammaano ilaalin iyo hanti boob, markaa shacbigu ka ay dooranayaan way garanayaan, isbeddelkaynu dooranaynaa, isbeddel khayr qaba Alle ha “Waxa aan shacbiga iyo taageerayaashayada ugu baaqayaa in aynu sharciga iyo nabadgalyada ilaashanno. KULMIYE waxay yidhaahdeen laba bilood baa hadhay ee aan meesha sii boobno, shacbigii shalay ka horyimid ee diiday dugsiga Riis way mahadsan yihiin,” Sidaas ayuu yidhi Musharraxa Madaxweynaha WADDANI.

Waxa kaloo uu u mahadnaqay bulshada muujiyey inay ku biireen xisbiga WADDANI, waxaannu yidhi; “Waxaan aad iyo aad ugu mahadnaqaya beel weynta halkan cududeeda ku muujisay ee u muujisay in ay Qarankan u hiilinayso, in ay isbeddelka maanta shacbigu rabo taageerayso, isbeddelkaasina wuxuu Insha Allaah ku iman doona sallaanka WADDANI haddii Alle ka dhigo. Sallaanka ayeynu wada fuulaynaa, guushana waynu wada dhalinaynaa, Ilaahayna waynu kaashanayna.”

“Shacbiga Somaliland, bariga iyo galbeedba waanu soo marnay; gobol aanan tagin iyo degmo aanan tagin ma jirto, shacbigu waxay isku raacsan yihiin in maanta isbedel yimaad. Ummadda Somaliland maanta way quusatay, waxay ka quusatay maamul-wanaag, waxay ka quusatay caddaalad, waxay ka quusatay oo ay aragtay hantidii Qaranka oo sii yaraanaysa oo uu ugu dambeeyay iskuulkii Riis,” ayuu yidhi murrashaxa WADDANI.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face