Share this:

" />
Published On: Sat, Apr 7th, 2018

Ra’iisal Wasaaraha Cusub Ee Ethiopia Oo Socdaal Ku Tegey Magaalada Jigjiga Ee Ismaamulka Soomaalida Iyo Ujeedadda Booqashadiisa

Smiley face

Araweelo Newes Network

Ra’iisal wasaraha cusub Dr Abay Iyo Madaxweynaha Kililka Soomaalida Ethiopia Cabdi Maxamuud oo Jigjiga kusoo dhoweeyay

Jigjiga(ANN)-Ra’iisal Wasaaraha cusub ee Ethiopia, Dr Abiy Ahmed, ayaa booqasho ku tegey maanta magaalada Jigjiga ee xarunta dowlad deegaanka Soomaalida Ethiopia ee Kililka shanaad.

Booqashadiisa, ayaa la sheegay in ay qayb ka tahay socdaal uu ku marayo dawlad deegaanada dalka Ethiopia uu ka kooban yahay, waxaana lagu wadaa in Dr Abiy uu kullamo la yeesho madaxda Maamul goboleedka Soomaalida Ethiopia ee xaruntiisu tahay jigjiga.

Sidoo kale, waxa la filayaa inuu khubad u jeediyo shacabka deegaanka Soomaalida Ethiopia, Isla markaana Ra’iisal wasaaraha, ayaa socdaal ku mari doono sagaalka gobol ee uu ka koobanyahay dalka Ethiopia, wuxuuna booqashadiisa ahmiyad gaar ah siiyay gobolka Soomaalida oo muddooyinkii dambeeyay ay isku dhacyo kala dhaxeyeen qowmiyadda Oromada ee uu ka soo jeedo ra’iisal wasaaraha Ethiopia.

Ra’iisal wasaraha cusub Dr Abay Iyo Madaxweynaha Kililka Soomaalida Ethiopia Cabdi Maxamuud oo Jigjiga kusoo dhoweeyay

Ra’iisal wasaare Abiy, wax socdaalkiisa ku weheliya saraakiil ka tirsan dowladda federaalka ee Ethiopia, waxaana la filayaa kulanka madaxda gobolka ka sokow inay la kulmaan Odayaasha dhaqanka ee Soomaalida Ethiopia ee Kililka shanaad, kuwaas oo la filayo inay ka wadahadlaan xasiiloonida, amniga iyo sidii loo xalin lahaa isku dhacyada u dhaxeeya Soomaalida iyo Oromada.

Dr Abiy Ahmed, ayaa loo doortay Ra’iisal wasaaraha dalka Ethiopia, kadib markii uu iscasilay Ra’iisal wasaarihi hore Haile Mariam Desalegn oo culeys badan kala kulmayay dibadbaxyada lagaga soo horjeedo dowladda oo Isa soo tarayay tan iyo 2015′, kuwaas oo inta baddan ka socday Ismaamulka Qowmiyada Oromia ee Kililka Afraad ee Ethiopia, Isla markaana galaaftay nolosha boqolaal qof oo u baddan Qowmiyada Oromia.

 

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face