Share this:

" />
Published On: Sat, Oct 21st, 2017

Sheekh Maxamed Sh Cumar Dirir Oo Ka Hadlay Xidhiidhka Ka Dhexeeya Akhlaaqda Wanaagsan Iyo Amniga

Smiley face

Araweelo News Network

“In xumaanta layska reebo, wanaagsana lays faro, oo dawladu ugu horeyso, culimada iyo shacabkaba, waa sababaha nabadgelyada inoo Ilaalin kara..”

Hargeysa(ANN)-Sheekh Maxamed Sh. Cumar Dirir ayaa sheegay in Akhlaaqda wanaagsan oo la ilaaliyo ka mid tahay arrimaha amniga lagu ilaaliyo.

Khudbadii oo sheekh Maxamed qeybteeda labaad kaga hadlayey sababaha keena Nabadgelyo-darada ayuu sheegay inay ku timaado marka adoomahu ka fogaadaan Ilaahay, waxaanu yidhi,

“Sababaha keena nabadgelyo darada waxa ka mid ah marka adoomahu Ilaahay ka fogaadaan. Marka nimco badan oo Ilaahay keenay lagu kibro, waxa laga dhaxla dhibaato nabadgelyo-daradu u horeyso.

Sheekh Dirir ayaa sheegay hadii aynu soo aragnay waxyaalaha nabadgelyo-darada keeni kara, waxa loo baahan yahay inaynu ogaano sababaha inoo ilaalin kara oo ugu horeyso in ubadka tarbiyada diinta islaamka lagu barbaariyo, cilmiga diintana dalka iyo dadka ku faafaan.

Waxyaalaha nimcada nabadgelyada inoo ilaalin kara waxa ka mid ah in wanaaga lays faro xumaantana laysku diido ayuu sheegay Sheekh Dirir, waxaanu yidhi,

“In xumaanta layska reebo, wanaagsana lays faro, oo dawladu ugu horeyso, culimada iyo shacabkaba, waa sababaha nabadgelyada inoo Ilaalin kara, taasoo cid keliya aan lagu hallayn.

Diinta Ilaahay ku dhaqankeeda iyo ilaalinta cadaaladu waa sababaha nimcada nabadgelyada inoo ilaalin kara ayuu sheegay Sheekh Dirir, waxaanu yidhi,

“Haddii ummadu sharciga ku dhaqmi waayaan oo dulmigu bato, oo xaqii Ilaahay kii ummadaba la dulmiyo, nabadgelyadu dan ayey u tegaysaa. Ilaahay SW waxuu inoo sheegay “Ilaahay waxuu yidhi nabadgelyo iyo hanuun waxa leh kuwa aan iimaankooda cadaalad daro ku darin’

Akhlaaqda wanaagsan ilaalinteedu waa asbaabaha nabadgelyada inoo sugaya ayuu yidhi Sheekh Dirir,

“Umaduhu waa akhlaaq, marka madaxdu akhlaaq leedahay, ooriyaha iyo ubadku akhlaaq leedahiin, ummadu way qurux badan tahay, laakiin hadii ay noqdaan mid qof walba waxuu doono samaynayo umadaasi way baaba’day. Rasuulku CSW waxuu yidhi, “Qofkii Ilaahay iyo rasuulka rumeeyey ha ku hadlo khayr ama hayska aamuso.” Akhlaaqda wanaagsan oo la ilaaliyo waa arrimaha amniga lagu ilaaliyo.

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face