Share this:

" />
Published On: Wed, Mar 29th, 2017

Somalia: Kooxda Daacish Ee ISIS Oo Markii Ugu Horreysay Dil Qorshaysan Ka Fulisay Muqdisho

Smiley face

Araweelo News Network

Muqdisho (ANN)- Kooxda Daacish/ISIS ee ka dagaallanta dalalka Ciraaq, Suuriya iyo Liibiya, ayaa markii ugu horreysay sheegtay inay dil qorshaysan ka fuliyeen caasimadda waddanka Soomaaliya ee Muqdisho.
War lagu baahiyey warbaahinta taageerta ururka Daacish shalay, ayaa lagu sheegay inay gudaha magaalada Muqdisho ku dileen sarkaal sare oo ka tirsanaa ciidanka Nabad-sugidda dawladda taagta daran ee Soomaaliya.
Hase ahaatee, kooxda ISIS ma bixin faahfaahin dheeraad ah oo ku saabsan magaca iyo goorta ay khaarajiyeen sarkaalka Nabad-sugidda Soomaaliya ka midka ahaa ee ay dilkiisa sheegteen.
Sidoo kale, masuuliyiinta maamulka Muqdisho ayaan illaa hadda ka hadal sheegashada ururka Daacish.
Xoogag isugu jira Soomaali iyo ajnebi daacad u ah kooxda Daacish, ayaa bilihii u dambeeyey ka dagaallamayey degaannada maamul-goboleedka Soomaaliya ee Puntland.
Dagaalyahanno uu hoggaaminayo wadaad lagu magacaabo Sheekh Cabdulqaadir Muumin oo ka goostay xoogagga Al-shabaab, ayaa ku dhawaaqay in ay ku biireen kooxda Daacish/ISIS badhtamihii sannadkii hore ee 2016, kuwaas oo tan iyo waqtigaas ka hawlgala degaannada maamulka Puntland ee ku teedsan xeebta Gobolka Bari.
Waa markii ugu horreysay ee dhaqdhaqaaqa Daacish/ISIS ee sheegtaan inay hawlgal dil ah oo qorshaysan ka fuliyeen magaalada Muqdisho, xarunta dalka Soomaaliya ee colaaduhu aafeeyeen.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face