Share this:

" />
Published On: Mon, May 15th, 2017

Somalia: Ra’iisul Wasaare Khayre Oo La Kulmay Wasiirka Arrimaha Dibedda Norwey

Smiley face

Araweelo News Network

Muqdisho(ANN)-Ra’iisal Wasaaraha Xukuumada Federaalka ah ee Soomaaliya Xasan Cali Kheyre ayaa kulan gaar ah kula yeeshay Magaalada Doha ee dalka Qatar, Wasiirka Arrimaha Dibedda ee Dawladda Norwey Børge Brende, waxayna ka wada hadleen arrimo ku aadan horumarinta xidhiidhka labada wadan.sidaana waxa lagu sheegay Qoraal saxaafadeed kasoo baxay Xafiiska Ra’iisal Wasaaraha Somalia.

Ra’iisal Wasaaraha ayaa tilmaamay muhiimda ay leedahay sii xoojinta xidhiidhka labada dal ee soo jireenka ah. Waxaana uu si weyn uga mahad celiyey doorka ay dawladda Norway ku leedahay dib-u-dhiska Soomaaliya. Isagoo dhinaca kale sheegay in uu soo dhowaynayo sida dawladiisu ay xilligan ugu heelan tahay in ay gacan ka gaysto dadaalada lagu xasilinayo dalka iyo dhismaha dawladnimada Soomaaliya.

“Xidhiidhka u dhexeeya labada dawladood waa mid aad u xooggan, taageerada ay Norway u fidiso Soomaaliyana waa mid sahlaysa dib¬-u–dhiska dalka, kadib, burburkii xoogganaa ee ku dhacay dadka iyo dalka Soomaaliyeed.

Qoraalka waxa kale oo lagu Sheegay in Mudane Xasan Cali Kheyre Kheyre kulankii uu la qaatay Wasiirka Arrimaha Dibedda ee Norwey Mr. Børge Brende kaga warbixiyey xaaladaha dalku marayo, iyo horumar Uu Sheegay in ay dawladdu ka samaysay dhanka dawlad wanaagga iyo nabad ku soo dabaalidda guud ahaan dalka.

Wasiirka Arrimaha Dibedda ee dalka Norway Børge Brende ayaa xusay inuu ku faraxsan yahay kulanka uu la yeeshay Ra’iisul Wasaaraha Soomaaliya , wuxuuna tilmaamay in dawladdiisu ay si toos ah u garab taagan tahay lana shaqeyn doonto dawladda Somalia.

DHAMAAD

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face