Share this:

" />
Published On: Thu, Feb 15th, 2018

Somalikand: Madaxweyne Muuse Biixii Oo La Kulmay Safiirka Denmark

Smiley face

Araweelo News Network

WAR-SAXAAFADEED

Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi, waxa uu qasriga Madaxtooyada ku qaabiley wefti ay hoggaaminayso Safiirka Denmark u qaabilsan Somaliland iyo Soomaaliya Amb. Mette Knudsen oo ay wehelinayso Anne Elisabeth oo ah madaxa xafiiska Hay’adda horumarinta caalamiga ah ee dalka Denmark u qaabilsan ee Somaliland ee DANIDA.

Madaxweynaha Somaliland, Mudane Muuse Biixi Cabdi waxa uu Safiirka ku bogaadiyey boqashada ay ku timid Somaliland, isagoo ku hambalyeeyey doorka muuqda ee Dalka Denmark ka qaato kaalmooyinka sanduuqa horumarinta dhaqaalaha Somaliland ee (SDF), iyo hay’adaha ka hawl-gala Somaliland, iyo xidhiidhka saaxiibtimimo ee ka dhexeeya labada dal.

Waxaanu madaxweynuhu xogwarran ka siiyey qorshayaasha xukuumadda ee shanta sanno ee soo socda iyo xaaladda guud ee abaaraha ka soo cusboonaaday xeebaha iyo gobolada dalka, waxaanu ku dhiirri-geliyey madaxweynuhu sidii ay gacan uga geysan lahaayeen arrinta abaaraha.

Sidoo kale waxa uu madaxweynuhu u bandhigay dedaalka xukuumaddu ugu jirto sidii aanay doorashooyinka golayaasha wakiillada iyo deegaanku dib uga dhici lahayn wakhtigii loo qorsheeyey oo ah horraanta sanadka 2019ka.

Waxaanu madaxweynuhu dhambaal tacsi ah oo khaasa ugu dhiibay safiirka boqorada dalka Denmark oo u madaxweynuhu ka tacsiyadeeyey geeridii saygeeda ku timid.

Madaxweynuhu waxa uu safiirka u bandhigay sidii ay isaga kaashan lahaayeen xukuumad ahaan iyo Denmark shaqo abuur ay helaan da’a yarta Somaliland oo u baahan jihayn iyo in loo abuuro shaqooyin, waxaanu madaxweynuhu kala hadlay safiirada wada hadalada Somaliland iyo Soomaaliya oo lagu wado inay dhawaan dib u bilowdaan.

Dhinaca weftiga Safiirku waxa ay sheegtay in ay xoojin doonaan ka Denmark ahaan xidhiidhka labada dal ka dhexeeya, isla markaana ay xoogga saari doonaan iskaashiga labada dal iyo horumarinta ganacsiga, waxaanay madaxweynaha ku hambalyeysay hannaankii hufnaa ee ay u dhacay doorashadii madaxtooyada ee dalka ka qabsoontay November 2017.

Ugu danbayn waxa uu kulankaasi ku soo dhamaaday sidii looga wada shaqayn lahaa loona xoojin lahaa xidhiidhka labada dal iyo horumarinta arrimaha bulshada.

ALLAA MAHAD LEH

Maxamuud Warsame Jaamac
Af-hayeenka Madaxweynaha JSL

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face