Share this:

" />
Published On: Thu, Dec 7th, 2017

Somaliland: Madaxweynaha Cusub Oo Qaabilay Diblumaasiyiin Ka Socda Midowga Yurub, Dalka Turkiga Iyo Qaramada Midoobay

Smiley face

Araweelo News Network

Hargeysa(ANN)- Madaxweynaha cusub ee dhowaan loo doortay hoggaaminta Shanta sannadood ee soo socda  Jamhuuriyadda Somaliland Mudane, Muuse Biixi Cabdi, ayaa la kulmay diblumaasiyiin sarsare oo ka kala socda Midowga Yurub, Qaramada Midoobay iyo dalka Turkiga.

Madaxweyne Muuse Biixi oo diblumaasiyiinta kulamo kala duwan si gooni gooni ah ugula yeeshay xarunta Madaxtooyada Somaliland maanta, iyadoo ay wehelinayeen Madaxweyne-ku-xigeenka Md. Cabdiraxmaan Cabdillaahi Ismaaciil (Saylici), Wasiirka Arrimaha Dibadda Dr. Sacad Cali Shire iyo xubno kamid ah hoggaanka sare ee xisbiga KULMIYE, waxa uu ku qaabilay saddexda wefti oo ay kala hoggaaminayaan; Madaxa Xafiiska Siyaasadda Qaramada Midoobay u qaabilsan Somaliland iyo Soomaaliya Mr. Jeffrey Sims, Wakiilka Midowga Turub ee Somaliland Mr. Alberto Fiat iyo Wakiilka dawladda Turkey-ga u fadhiya Jamhuuriyadda Somaliland Mr. Ali Noyan Coskun, waxaanna diblomaasiyiintani guddoonsiiyeen Madaxweynaha cusub ee Somaliland hambalyo rasmi ah oo ay ka sidaan madaxda dalalkooda iyo kuwa xafiisyada ay wakiillada ka yihiin guushii uu ka soo hooyey doorashadii Madaxtooyada Somaliland, waxaanay sheegeen inay si dhaw ula shaqayn doonaan Madaxweyne Muuse Biixi iyo xukuumaddiisaba.


Diblumaasiyiintani waxay bogaadiyeen doorashadii Madaxtinimada ee ka qabsoontay dalka Somaliland 13-kii bishii hore ee November 2017, taas oo ay sheegeen inay ahayd mid Somaliland u soo hoysay guul hor leh, kuna tilmaameen tallaabo muhiim ah oo ummadda reer Somaliland mar kale u qaaday xagga dimuqraadiyadda.


Waxa kaloo diblomaasiyiintani si isku mid ah u sheegeen inay si hagar la’aan ah ula shaqayn doonaan madaxweynaha cusub, kuna dedaali doonaan sii xoojinta xidhiidhada ka dhexeeya dawladda Somaliland iyo ururrada Midowga Yurub, Qaramada Midoobay iyo weliba dalka Turkiga.
Dhinaca kale, Madaxweynaha cusub ee Somaliland Mudane, Muuse Biixi Cabdi, ayaa si wayn ugu mahadceliyey diblumaasiyiintan soo booqday oo uu si farxad leh uga guddoomay hambalyooyinka ay u sideen, waxaannu sheegay inay ka go’an tahay sidii kor loogu sii qaadi lahaa xidhiidhada diblumaasiyadeed, dhaqaale iyo iskaashi ee Somaliland la leedahay dunida inteeda kale.

About the Author

-

Arraale Mohamoud Jama Freelance Journalist and Human Rights Activist
Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face