Share this:

" />
Published On: Sun, Feb 25th, 2018

Somaliland: Madaxweyne Ku Xigeenka Oo Qaabilay Wefti Ka Socda Dalka Norway

Smiley face

Araweelo News Network

WAR-SAXAAFADEED

 

Hargeysa(ANN)-Madaxweyne ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici), ayaa maanta xafiiskiisa ku qaabiley wefti uu hoggaaminayey, ergeyga gaarka ah ee Norway u qaabilsan dalalka Somaliland iyo Soomaaliya, Mr. Webjorn Heines.

Kulankan oo ka qabsoomay xarunta qasriga madaxtooyada Jamhuuriyadda Somaliland, ayaa lagaga wada hadlay sidii dalka Norway uu qayb uga qaadan lahaa kana taageeri lahaa Somaliland, arrimaha maalgashiga, doorashooyinka wakiillada, iyo goleyaasha degaanka, sidii ay Norway u kordhin lahayd dhaqaalaha kaga qaybgasho sanduuqa horumarinta dhaqaalaha Somaliland ee (SDF) iyo sidii ay qayb uga qaadan lahayd hirgelinta qorshaha labaad ee horumarinta Somaliland (NDPII) ee shanta sano ee soo socota.

Waxa kale oo laga wada hadlay sidii loo horumarin lahaa mashruuca maamul daadejinta dawladaha hoose ee horumarinta dhaqaalaha dalka, iyo sidii looga wada shaqayn lahaa xoojinta caddaalada, iyada oo wada-hadallada Somaliland iyo Soomaaliy-na la isla soo qaaday.

Ergayga Norway u qaabilsan dalalka Somaliland iyo Soomaaliya Ambassador Webjorn Heines, ayaa dhankiisa ballan qaaday inay dawladdiisu diyaar la tahay fulinta waxyaabaha ay labada dhinac ka wada-hadleen, isla markaana ay kor u qaadi doonaan xidhiidhka ka dhexeeya Somaliland iyo dalka Norway.

ALLAA MAHAD LEH

Maxamuud Warsame Jaamac
Af-hayeenka Madaxweynaha JSL

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face