Share this:

" />
Published On: Thu, Aug 20th, 2015

Somaliland: Madaxweyne Siilaanyo Oo Guddi U Saaray Mushkilada Dhulka Ee Sababta Xiisadaha Saamaynta Weyn Ku Yeeshay Arrimaha Amaanka Dalka

Smiley face

silanyoHargeysa(ANN)Madaxweynaha Jamhuuriyada Somaliland, Mudane. Axmed Maxamed Silaanyo, ayaa guddi u saaray diyaarinta siyaasad dib loogu habaynayo arrimaha dhulka oo muddooyinkii u danbeeyay galaaftay nolosha dad baddan, isla markaana noqday mushkilad sii xooggaysanay marba marka ka danbaysa Somaliland oo khatar ku ah amniga iyo deganaanshaha dalka.

sida lagu sheegay Digreeto Madaxweyne Siilaanyo xafiiskiisa kasoo baxday caawa oo ku taariikhaysan 20 August 2015, isla markaana uu ku saxeexanyahay Af-hayeenka Xafiiska Madaxtooyada Somaliland Axmed Saleebaan Dhuxul, waxa lagu sheegay in xubno wasiiro ah oo ka kooban 12 xubnood loo magcaabay dib u habaynta siyaasada dhulka.
Digreetada Madaxweynaha oo summadeedu JSL/M/MG/081/1-3495/082015 ku magacaabay, isla markaana lagu magcaabay guddida Hawsha Diyaarinta Siyaasadda Dib-u-habaynta Dhulka oo ka kooban 12 wasiir oo lagu socod siiyay xubnaha wasiirkadda, waxa lagu yidhi sidan:-

Ujeeddo: Magacaabid Guddi

Ku: Wasiirka Wasaaradda Deegaanka iyo Horumarinta Reermiyiga

Ku: Wasiirka Wasaaradda Arrimaha Gudaha

Ku: Wasiirka Wasaaradda Qorshaynta Qaranka iyo Horumarinta

Ku: Wasiirka Wasaaradda Hawlaha Guud, Guriyeynta iyo Gaadiidka

Ku: Wasiirka Wasaaradda Xannaanada Xoolaha

Ku: Wasiirka Wasaaradda Beeraha

Ku: Wasiirka Wasaaradda Maaliyadda

Ku: Wasiirka Wasaaradda Macdanta iyo Tamarta

Ku: Wasiirka Wasaaradda Madaxtooyada

Ku: Wasiirka Wasaaradda Warfaafinta, Dhaqanka iyo Wacyigelinta

Ku: Wasiirka Wasaaradda Biyaha

Ku: Wasiirka Wasaaradda Caddaaladda iyo Arrimaha Garsoorka

Mudanayaal Sida aad la socotaan, ee uu dhigayo Qodobka 12aad ee Dastuurka Jamhuuriyadda Somaliland, dhulku waa hanti guud oo ka dhexeeya ummadda, mas’uuliyadiisana dawladda ayaa xil ka saaran yahay.

Haddaba, waxa muuqata in dhulkii Jamhuuriyadda Somaliland si sharciga baalmarsan loogu tagrifalayo. Sidaas darteed, waxaan idiin magacaabay Guddida Diyaarinta Qabyo-qoraalka Siyaasadda Dib-u-habaynta Dhulka Somaliland.

Waxaan idinka rajaynayaa inaad xil mug iyo miisaan leh iska saari doontaan Hawlsha Diyaarinta Siyaasadda Dib-u-habaynta Dhulka” ayaa lagu yidhi qoraalka kasoo baxay Xafiiska Madaxweynaha Somaliland.
Dhinaca kale Digreetada Madaxweyne Siilaanyo, ayaa kusoo beegantay iyadoo muddooyinkii u danbeeyay xiisadaha ka dhasha arrimaha dhulku sii xooggaysteen, isla markaana sababeen rabshado galaafta nolosha muwaadiin baddan, kuwaas oo ku nafwaaya rabshado dhinaca dhulka ah oo Boolisku soo dhex galaan iyo kuwo dhinacyada dhulka iskaga hor yimaadaa sabab u noqdaan dhimashadooda.

Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face