Share this:

" />
Published On: Thu, Mar 30th, 2017

Somaliland: Masuuliyiin Ka Socday Xukuumadda Oo Ka Qaybglay Shir Lagaga Hadlay Ganacsi Qaarada Afrika iyo Jarmalka

Smiley face

Araweelo News Network

Wasiir-ku-xigeenka Wasaaradda Duulista oo sheegay inay shirka u gudbiyeen fursadaha ganacsi ee dalka Somaliland

Berlin (ANN)- Wefti ka socda xukuumadda Jamhuuriyadda Somaliland oo uu hoggaaminayo Wasiir-ku-xigeenka Wasaaradda Duulista Hawada iyo Gaadiidka Cirka Md. Guuleed Maxamed Shire, isla markaana uu wehelinayo Md. Maxamed Cali Xirsi (Obama) oo ka mid ah Golaha Wakiillada Somaliland iyo Abaadir Ismaaciil oo ka mid ah La-taliyeyaasha laamaha dawladda, ayaa ka qaybgalay shir lagaga hadlay ganacsiga u dhexeeya qaaradda Afrika iyo dalka Jarmalka.
Shirkan oo ka qabsoomay magaalada Berlin ee dalka Jarmalka, waxa diirada lagu saaray iskaashiga ganacsiga ee u dhexeeya dalalka qaaradda Afrika iyo waddanka Jarmalka oo qaaradda Yurub ah, kaasoo sidoo kale lagu falanqeeyey sidii labada dhinac uga faa’iidaysan lahaayeen ganacsigooda, iyadoo ergooyinku ka qaybgalay si xoogan u lafa-gureen kor-u-qaadista xidhiidhka ganacsi ee Afrika iyo Jarlamka, loona samayn lahaa nidaam maalgelineed oo khuseeya ganacsiga ay wadaan labada dhinac.
Sida lagu sheegay war ka soo baxay Wasaaradda Duulista Hawada iyo Gaadiidka Cirka ee Somaliland , shirkan ayaa ah kii u horeeyey ee lagaga hadlo ganacsi dhexmara Afrika iyo Jarmalka, kaasoo faa’iido u leh iskaashiga ganacsi ee waddanka Jarmalku la leeyahay dalalka Afrikaanka ah.

Wasiir-ku-xigeenka Wasaaradda Duulista, ayaa sheegay inay shirkaas ku soo bandhigeen fursadaha ganacsi iyo khayraadka dihin ee Ilaahay (SWT) ku manaystay dalka Somaliland.
“Waxaannu ku dedaalnay sidii aannu dadka ka qaybgalay shirkan ugu bandhigi lahayn fursadaha dihin ee dalka Somaliland, waxanannu rajaynaynaa natiijo fiican inay inooga soo baxdo, haddii Ilaahay yidhaah,” ayuu yidhi Wasiir-ku-xigeenka Duulista Hawada iyo Gaadiidka Cirka Somaliland Md. Guuleed Maxamed Shire.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face