Share this:

" />
Published On: Tue, Feb 20th, 2018

Madaxweynaha Somaliland Oo Xafiiska Ku Qaabiley Maamulaha Guud Ee DP World

Smiley face

Araweelo News Network

 

Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi ayaa galabta xafiiskiisa ku qaabiley wefti balaadhan oo ka socday shirkada DP World oo uu hoggaaminayey maamulaha guud ee dekedaha ay xukunto DP World, Mr. Sultan Ahmad Sultan Bin Sulayem oo maanta booqasho ku yimid Somaliland.

Waxaana kulankaasi lagaga wada hadlay arrimo ay ka mid yihiin dhismaha iyo balaadhinta dekeda berbera, suuqa xorta ah (free zone), waxa kale oo laga wada hadlay sidii dhalinyarada reer Somaliland loogu furi lahaa suuqa ganacsiga ee imaaraadka si ay ugu shaqo tagaan halkaasi, waxa kale oo iyana lagu soo qaaday xaalada abaaraha gobolada dalka ka jirta sidii ay gacan uga geysan lahayd DP World iyo arrimo badan oo ay ugu horayso in dhakhso loo hirgeliyo dhammaan mashaariicda horumarineed ee ay Somaliland iyo DP World ku heshiiyeen, waxaanu madaxweynuhu fariin baaqa u diray imaaraadka carabtu inay dhinacooda gacan ka geystaan xaalada abaarta ee ku soo noq-noqotay Somaliland.

Gebegebadii kulankana waxa labada dhinac ay is gudoonsiiyeen hadyado kala duwan oo ay ka mid yihiin agabka hidaha iyo dhaqanka u ah Somaliland, halka DP World na ay madaxweynaha uu gudoonsiiyey sultan hadyad ay ka mid tahay doonta astaanta u ah shirkadooda DP World, sidoo kale waxa ay madaxweynaha u sharxeen qaabka balaadhinta dekeda berbera oo ay khariirad ahaan ku muujiyeen.

Madaxweynaha, waxa kulankaa ku weheliyey wasiirada wasaaraddaha, Arrimaha Dibeda, horumarinta Maaliyada, horumarinta Maalgashiga, horumarinta qorshaynta qaranka, maareeyaha dekeda berbera iyo safiirka Somaliland u fadhiya Imaaraadka carabta.

Markii kulanka laga soo baxayna waxa faah-faahin ka bixiyey wasiirka arrimaha dibeda Somaliland, Dr. Sacad Cali Shire iyo Maamulaha Shirkada DP World, Sultan Axmed Bin Sulayem.

Naasir Yuusuf Daahir
Director of the Presidential Media Department
Hargeisa – Republic of Somaliland

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face