Share this:

" />
Published On: Sun, Sep 23rd, 2018

Muwaadin U Shahiiday Calanka Somaliland

Smiley face

 

Badhan (ANN)-Muwaadiniin u dhashay Somaliland oo ka mid ahaa Bulshada ku dhaqan Degmada Badhan ee Bariga gobolka Sanaag, ayaa natiisa ku waayay muujinta dareenkiisa iyo difaaca qaranimadiisa.

Allah ha u Naxariistee Marxuum Maxamuud Ladiif Cismaan oo ka cadhaysan booqashadii madaxweynaha maamul goboleedka Soomaaliya ee Puntland Cabdiweli Gaas ku tegey magaalada Badhan ee Bariga gobolka Sanaag, ayaa ka dhiidhiyay booqashadaa, wuxuuna faras Magaalaha la dhex maray Calanka Somaliland ee tawxiidku ku xardhanyahay.

Balse sida ay sheegayaan wararka dadka deegaanka Badhan, waxa muwaadinkaa Xabsiga u taxaabay ciidamo taabacsan Puntland oo ka cadhooday inuu muujiyo dareenkiisa.

Hase yeeshee Marxuum Maxamuud Ladiif ayaa ku geeriyooday Xabsiga, iyadoo aan si cad loo ogayn sababta geeridiisa, balse wararka aan la xaqiijin, ayaa sheegaya in Marxuumku isku deldelay Xabsiga dhexdiisa, waxase jira warar kale oo sheegaya in Xabsiga lagu dilay mudadii uu xidhnaa.

Xukuumadda Somaliland iyo maamul goboleedka Soomaaliya ee Puntland, ayaan ka hadlin dilkaa, wuxuuna noqonayaa dilkii labaad ee ka dhaca Badhan maamlmihii u danbeeyay, iyadoo mudadii uu joogay Badhan Cabdiweli Gaas lagu dilay halkaa Suldaan Xasan Cali Jibriil oo ka mid ahaa madaxdhaqameedka deegaanka, kaas oo dilkiisu xiisaad weli ka taagan deegaankaa sababay.

Xukuumadda Somaliland oo ka hadashay safarka Madaxweyne Gaas ee Magaalada Badhan ayaa ku macnaysay mid daandaansi iyo gardarro cad ah oo ay ka fal celin doonato, waxayna dacwad arrintaa la xidhiidha u gudbisay beesha caalamka.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face