Share this:

" />
Published On: Sun, Sep 30th, 2018

Somaliland: Hay’adda Qurbajoogga iyo Syd Forum Oo Qabtay Kulan La Xidhiidha Maalgashiga Qurbajoogga

Smiley face

 

Hargeysa(ANN)-Hay’adda Qurbajoogga JSL ayaa soo Xafiiskeeda ku qabatay kulan lagu soo martiqaaday xubno doora oo ka mid ah bulshada ganacsatada qurbajoogga ah ee meheradaha kala duwan ku leh dalka gaar ahaan Hargeysa iyo weliba xubno ka socday magaalada Boorama; iyo dhinaca kale Hay’adda Swedish-ka ah ee ForumSYD Xafiiskeeda Somaliland oo sida ujeeda shirku ahaa ka warbixisay Mashruuc Maalgelineed oo loo soo bandhigay bulshada ganacsatada qurbajooga ah ee Somaliland

Kadib furitaankii kulanka uu ka hadlay Agaasimaha Fulinta Hay’adda Qurbajoogga, Xasan Axmed Yuusuf, Agaasimaha Waaxda Qorshaynta Sahra Maxamed Xaashi, iyo Madaxa Kayd Xogeedka iyo Diwaangelinta Axmed Yuusuf Dirir, waxa uga warbixiyay ganacsatada ka soo qaybgalay shirka saraakiil ka socotay Hay’adda ForumSYD oo ku wargeliyay ganacsatada qurbajoogga ah inay dalbadaan mashruucan maalgashiga oo dawladda Sweden maalgelisay, kana faaiidaystaan iyagoo raacaya shuruudaha ku xidhan codsiga. Saraakiisha ka socotay ForumSYD, Bashiir Mohamed Hashi iyo Ahmed Saleban Omer, ayaa uga jawaabay ganacsatada su’aalo badan oo laga waydiiyay Mashruuca, habka loo codsanayo iyo shuruudaha ku xidhan. ““Hay’addu maaha hay’ad faaido doon ah, waxa aannu ku bilawnay in aannu caawinno ama maalgelinno qurbajoogta reer Sweden, haddase qurbajoogta reer Somaliland oo dhan ayaannu maalgelinaynaa.”

Agaasimaha Fulinta Hay’adda Qurbajoogga, Xasan Axmed Yuusuf, ayaa tilmaamay inay wax la bogaadiyo tahay in sannadba sannadka ka dambeeya uu soo kordhayo heerka maalgashiga dadka qurbajoogga ah ee ganacsiyada kala duwan maalgashanaya kaalin waxku ool ah ka qaadanaya shaqo abuurka iyo kobcinta dhaqaalaha dalka Jamhuuriyadda Somaliland.”

Gebogebadii kulanka, waxa loogu baaqay ganacsatada qurbajoogga ah inay dalbadaan oo ka faaiidaystaan mashruucaas taageeraya maalgelinta ganacsiyada jira iyo fikradaha togan ee qorshayaasha ganacsi taasoo aan ahayn dayn balse deeq ah (Grant) loogu talo galay bulshada qurbajoogga ee Somaliland https://www.forumsyd.org/int/grants/swedish-somali-business-programme.

Hay’adda Qurbajoogga Somaliland
Hargeysa, Jamhuuriyadda Somaliland

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face