Share this:

" />
Published On: Mon, Jul 9th, 2018

Somaliland: Madaxweyne Ku Xigeenka, Wasiiro, Madaxdhaqameed Iyo Qaar Ka Mid Ah Culimada Waaweyn Oo Gaadhay Deegaanka Ceel-Afweyn Oo La Doonayo In Colaada Lagu Soo Afjaro

Smiley face

Araweelo News Network

Ceergaabo(ANN)-Madaxweyne ku-xigeenka Jamhuuriyadda Somaliland, mudane Cabdiraxmaan Cabdilaahi Ismaaciil (Saylici) ayaa  gaadhay magaalada Ceel-Afweyn ee gobolka Sanaag,halkaas oo ay la doonayo in lagu soo afjaro colaada soo jiitantay ee deegaankaa oo u dhaxaysa laba dhinac oo ka mid ah dadka deegaanka ee walaalaha ah.

Wasiirka Arrimaha Guddaha Somaliland, Mudane Maxamed Kaahin Axmed iyo salaadiin iyo ergooyin qayb ka ah dadka doonaya in lasoo afjaro colaada oo xukuumaddu u xil saartay,  ayaa madaxweyne ku-xigeenka kusoo dhaweeyay magaalada Ceel-Afweyn.

Madaxweyneku-xigeenka ayaa kulan ballaadhan la qaatay madax dhaqameedkii ka kala yimi guud ahaan gobolada Somaliland ee nabadgelyada u joogay Ceel-afweyn hadalo kooban oo uu madax-dhaqameedka u jeediyay madaxweyne ku-xigeenku ayuu ku yidhi “Arrinta aynu u soconaa waa arrin nabad-galyo,waxaynu u baahan nahay in wax kasta oo ay inagu qaadanayso aynu nabadgelyo dhex-dhigno dadka walaalaha ah ee deegaankan, waa dad walaalo ah oo aanay waxba u kala soocnayn, hadana waa nasiib daro dagaalka dhex maraya, hawshaas waxaynu u galaynaa sida ugu fiican”

Sidoo kalana waxa uu madaxweyne ku-xigeenku kulan la yeeshay culimada ugu caansan gayiga Soomaalidu degto oo magaalada Ceel-afweyn u jooga sidii ay u xoojin lahaayeen dadaalada nabadgelyo ee ay xukuumadda Jamhuuriyadda Somaliland ka waddo deegaanadaas, culimada ayaa ballan qaaday inay si daacada u gali doonaan hawlaha nabadaynta deegaankaa.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face