Share this:

" />
Published On: Sat, Feb 17th, 2018

Ururka Qareenada Somaliland Oo Canbaareeyay Xadhig Xukuumaddu Kula Kacday Xubin Ka Mid Ah Oo Xukun Milateri Loo Adeegsaday

Smiley face

Araweelo News Nework

Warsaxaafadeed

Hargeysa(ANN)-Ururka Qareenada Somaliland (Solla) waxa uu si adag u canbaaraynayaa xadhiga qareen Cabdirisaaq Ismaaciil Xasan oo ah xubin ka tirsan ururka.Cabdirisaaq waxa la xidhay maanta oo ay bishu tahay 17 February 2018. Waxaana islamaanta la horgeeyey maxkamadda militariga.

Xadhiga qareenku waxa uu si cad uga soo horjeedaa qodobka 20(2)aad ee Xeerka Qareenada (Xeer L/r. 30/2004) oo sheegay “Qareenka lama xidhi karo, lamana xayiri karo hadii aan lagu qaban denbi culus isagoo faraha ku lajira (Flagrance) ama aan ogolaansho laga helin Guddiga ruqsad bixinta iyo anshax marinta qareenadda.”

Ma jiro wax faldembiyeed ah oo uu qareenku faraha kula jiray markii la xidhaayay, islamarkaana wax ogolaansho ah oo Gudida Ruqsad bixinta laga helay ma jirin.

dhinaca kale sida ku cad qodobka 104aad ee Dastuurka Jamhuuriyada Somaliland, maxkamadda militarigu awood uma laha in ay qaado dacwadaha ka dhanka ah dadka shacibka ah. Waxaanu ururku si adag u canbaaraynayaa horgeynta qareenka la geeyey maxkamada militariga, taas oo ah arin aad uga soo horjeedda dastuurka iyo dhaqanka dimoqraadiyada ah ee ay Somaliland qaadatay.

Ururku waxa uu ugu baaqayaa Dawladda Somaliland in ay si deg deg ah xorriyadiisa ugu soo celiso qareen Cabdirisaaq, islamarkaana in laga fogaado in maxkamadda militarigu ay faro galiso arimaha la xidhiidha dad shacab ah ama ba ay qaado dacwado ka dhan ah dad shacab ah.

Ugu danbayntii Ururka Qareenada Somaliland ( Solla) waxa uu wer wer iyo walaac xoog leh ka qabaa xadhiga suxufiyiinta iyo dad kale ee u xidhan arimo la xidhiidha aragtidooda, oo ay cabireen.kuwaasi oo xadhigoodu si cad uga hor imanaysa Qod: Qod: 32 (1)aad ee Dastuurka Jamhuuriyada Somaliland oo dadka ugu damaanad qaaday xaqa xorriyada in ay aragtidooda cabiraan. Waxaanu ururku ugu baaqayaa dawlada in ay sii dayso dhamaan dadka u xidhan aragtidooda oo ay cabireen, oo ay ilaaliso dastuurka iyo dimuqraadiya dalka.

Allaa Mahad leh
Jamaal Huseen Ahmed ( Mandeela).
Xog-hayeha Guud Ee Ururka Qareenada Somaliland.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face