Share this:

" />
Published On: Sun, Jan 21st, 2018

Xukuumadda Somaliland Oo Hay’adda Cuntada Iyo Beeraha Ee FAO Kala Wareegtay Laashash Kuwa Kalluumaysiga Ah

Smiley face

Araweelo News Network

Berbera(ANN)-Wefti uu Hoggaaminayo Madaxweyne ku xigeenka Jamhuuriyadda Somaliland Mudane, Cabdiraxmaam Cabdillaahi Ismaciil (Saylici) oo safar shaqo ku jooga magaaladda Berbera ee Caasmadda gobolka saaxil, ayaa saaka kormeeray dekedii hore ee Nec-Fish oo lagu sameeyay dayactir iyo dib u habayn balaadhan.

Madaxweyne ku xigeenka Jamhuuriyadda Somaliland, Md. Cabdiraxmaam Saylici oo uu wehelinayo Wasiirka Xanaanadda Xoolaha iyo horumarinta Kalluumaysiga Xasan Maxamed Cali Gaafaadhi ayaa xadhiga ka jaray deked yar oo loogu tallo galay Kaluumaysiga taasi oo ay hirgalisay Hay’adda Cuntada iyo beeraha ee Qaramadda midoobay ee loo soo gaabiyo FAO isla markaasna ay maalgalisay dawladda Norway.

Madaxweyne ku xigeenka Somaliland oo ka qayb galay Munaasibad Wasaaradda Xanaanada Xoolaha iyo Horumarinta Kalluumaysigu ay Hay’adda FAO kagala wareegtay todoba doonyood oo nooca kalluumaysiga ah oo lagu sameeyay dayactir iyo dekedda Kalluumaysiga ee Nec-Fish ayaa waxaa kasoo qayb-galay Saraakiil ka socda Dawladda Norway, Masuuliyiinta Hay’adda FAO ee Somaliland iyo Xirfadlayaal lagu tababaray Jaamacadda Faraca badda ee Berbera, kuwaasi oo iyagu sameeyay Doonyahan Kalluumaysi ee lagu wareejiyay Wasaaradda Xanaanadda Xoolaha iyo Horumarinta Kalluumaysiga Somaliland.

Saraakiisha ka kala socda Hay’adda FAO iyo dawladda Norway ayaa sharraxay dedaalka isugu jiray tababarka iyo aqoon korodhsiga ay siiyeen shaqaalaha sameeyay doonyahan iyo baahida loo qabo inay Xukuumadda Somaliland ka faa’iidaysato xirfaddooda.

Wasiirka Xannaanadda Xoolaha iyo Horumarinta Kalluumaysiga Somaliland, Xasan Maxamed Cali ayaa ka mahadceliyay deeqda dawladda Norway ay Somaliland siiso, Waxaanna uu ammaanay wadashaqaynta ka dhaxaysa Hay’adda FAO.

Madaxweyne ku xigeenka Somaliland ayaa sheegay inay Xukumadda cusubi awoodda saari doonto wax soo saarka beeraha iyo Kalluumaysiga waxaanna uu ammaanay dayactirka Nec-Fish-ta Magaalada Berbera iyo doonyahan cusub oo uu ku tilmaamay billow wanaagsan.

Naasir Yuusuf Daahir
Director of the Presidential Media Department
Hargeisa – Republic of Somaliland

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face