Share this:

" />
Published On: Mon, Aug 20th, 2018

Somaliland Waxay Aqbashay In Ciidamadda La Kala Qaado Tukaraq, Balse” Warsaxaafadeed

Smiley face

Araweelo News Network

 

Hargeysa(ANN)-Xukuumadda Somaliland, ayaa ka hadashay mawqifkeeda collaada deegaanka Tukaraq, isla markaana waxay iftiimisay mawqifkeeda dedaaladii xalka loogu raadinayay colaaddaa, iyadoo dhinaca kale jawaab ka bixisay dhawaaqyadii u danbeeyay ee kasoo baxay madaxda maamul goboleedka Puntland ee Soomaaliya oo ahaa kuwo xanbaarsan dhiilo collaadeed oo cusub.

War-saxaafadeedka kasoo baxay xukuumadda Somaliland oo ay soo saartay Wasaaradda Gaashaandhiga Jamhuuriyadda Somaliland ayaa u dhignaa sidan:-

“Waxa maalintii shalay qaybaha kala duwan ee Warbaahinta iyo Baraha-bulshada haysatay warar ka soo baxay maamulka Puntland ee Soomaaliya kaasi oo nuxur kiisu ahaa dagaal lagu soo qaado Jamuuriyadda Somaliland.

 

Somaliland Wax ay aqbashay dhamaan go’aamadii urur-goboleedka IGAD,Xafiiska wakiilka UN-ta u qaabilsan Somaliland Iyo Somalia kuwaas oo ahaa in shacabka walaalaha ah ay isku gudbi karaan, in Hay’addaha gar-gaarka deg deg  ah ka shaqayn karaan goobahaasi colaaddu ka jirtay iyo in Ciidamadda la kala qaado, balse dhamaan arrimahaa waxa jebiyey Maamulka puntland ee uu masuulka ka yahay Cabdi weli Gaas.

 

Madaxda mudo kordhiska rabta waxay maalin kasta Warbaahinta lasoo fadhiyaan kala fogaynta shacabka iyo waliba sidii ay fad-qalalo uga ridi lahayeen deegaanada nabada iyo horumarku ka jiro ee ka bad baaday maleeshiyadaas, Ciidanka Somaliland wali may gaadhin xuduuda rasmiga ah ee aanu leenahay taasi oo ah kambalka Caasimada maamulkaasi balse waxaanu tix galinaynaa oo dhawraynaa Shacabka deegaanadaasi oo aanu barakac u diidayno iyo si aanay cabsi badan uga dareemin ciidamadaasi dushooda yimid Tukaraqna waa deegaan Somaliland ka tirsan.

 

Dawlada Somaliland waxa ka go’an Nabad ku wada noolaanshaha wadamada jaarka ah, balse ma aqbalayso cid kasta oo xuduudaheeda ku soo xad-gudubta, Wasaaradda Gaashaandhiga iyo Ciidamada Qaranaka waxa ka go’an in ay sugaan  xuduudaha kala duwan ee dalka, waxaana digniin u diraynaa Maamulka Puntland ee Somaliya oo aanu leenahay nabad kuwada noolaanshaha mandaqada waanu tix galinaynaa hadiise aad tix galin waydaan waxaad la kulmi doontaan wixii aad hore ciidan ka xooga badan ee qaranka kala kulanteen.

 

 

Geba-gebadii waxaanu fariin adag u diraynaa Maamulka Puntland ee Soomaaliya oo aanu leenahay hadii aad tix galin waydaan wada noolaanshaha iyo daris wanaaga waxaad mutaysan doontaan casharo badan oo dhaxal gal idiin noqda, Beesha Caalamka,urur-goboleedka IGAD iyo Xafiiska wakiilka UNta u qaabil san Somaliland Iyo Somalia waxaanu leenahay cidna ka aqbali mayno in ay ku soo xad-gudubto xuduudahayga.”ayaa lagu yidhi Qoraal saxaafadeedka Wasaaradda Gaashaandhiga Somaliland.

 

Wabilaahi Tawfiiq

Alla Mahadleh

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face