Share this:

" />
Published On: Mon, Jul 3rd, 2017

Wasiirka Maaliyadda Soomaaliya Oo Ishaaray Suurta Galnimada In La Xidho Xawaaladaha Lacagta Ee Soomaalidu Ku Tiirsan Tahay

Smiley face

Araweelo News Network

Muqdisho(ANN)-Wasiirka Maaliyadda Dawladda Soomaaliya mudane Cabdiraxman Ducaale Bayle ayaa saxaafada uga waramay barnaamijkii bilaha ahaa ee Wasaaradda Maaliyadda, kaas oo lagaga hadlo waxyaalaha u qabsoomay wasaaradda iyo caqabadaha u baahan in la xaliyo.

Wasiirka ayaa sheegay in arrinta dakhliga oo uu ka hadlo bil walba uu daba socdo balanqaadkii Madaxweyne Farmaajo, mudane Maxamed Cabdullahi Farmaajo iyo Ra’iisul Wasaare Xasan Cali Kheyre oo ahaa in siyaasada dowladda saldhig u tahay daah-furnaanta, isla xisaabtanka iyo la dagaalanka musuq-maasuqa, sidaa darteed ay waajib ku tahay Wasaaradda Maaliyadda in bil kasta usoo bandhigto Shacabka Soomaaliyeed warbixino ku salaysan dakhliga iyo kharashaadka dowladda.

Wasiirka ayaa ka hadlay heerarka kala duwan ee ay soo martay Misaaniyadda Sanadka 2017, taas oo aad uga duwan habraacii loo qoondeeyey in ay ku socoto miisaaniyadda dowladda.

“Misaaniyadu waxa ay ka turjumaysaa waxa ay dowladdu qaban karto iyo qaabka ay u qabanayso. Habraaca miisaaniyada dal loo samaynayo waxaa ugu horeyn waajib ah in la isu keeno baahiyaha dalka horyaala sanadkaas, markaas ayaa la yidhaahdaa misaaniyada nagu filan sanadkaan waa intaas. lakiin inaga xaalka dalkeena ku sugan yahay xiligan arinku sidaa waa ka duwan yahay sababtoo ah waxa na soo gala ayaa aad u yar, waana dakhli kooban waxa soo gala dowladda, isku celcelis bishii waxaa u soo xarooda 11 milyan, waxaan u baahanahy bil kasta 17 milyan si aan misaaniayda yar ee noo qoondaysan aan u daboolno” ayuu yidhi Wasiir Bayle,

Wasiirka, ayaa sidoo kale yidhi, “Miisaanyidii sanadkan badhtankiisa ayaan ku jirnaa, sanadkan wuxuu ahaa mid dowlad cusub timid, qorshahana wuxuu ahaa in sanadkii hore aakhirkiisa la ansaxiyo, tani waa ka duwnayd oo laba dowaladood ayaa kala wareegayey. Qanuunka maaliyaddu waaxaa uu sheegayaa in lagu sii shaqayn karo misaaniyadii hore muddo sadex bilood ah, waxaana horgeeynay golaha Baarlamaanka 31, March, 2017 weyna ansixiyeen si aan u isticmaalno miisaaniyada mala awaalka ah. Waxaana lagu heshiiyey in misaaniyadda inta sanadka ka dhiman aan horgayno Baarlamnaka, hadana waxaan sugaynaa furitaanka golaha shacabka maalmaha nagu soo aadan”

Dhanka kale Wasiirka ayaa sheegay in dalka u baahan yahay soo celintii Astaanka Qaranka oo ahayd lacagta Shilin Soomaaliga ah, samaynta lacagtaasna waxaa ay qayb ka tahay shuruudaha ay IMF ku xidhay sidii Soomaaliya daynta looga saamixi lahaa, waxaana laga rajo qabaa in lagu guulaysto dhamaadka sanakdan in dib loo soo daabaco lacago shilin Soomaali ah oo cusub.

“Daymaha faraha badan ee nalagu leeyahay waa kuwo naga hortaagan inaan dib u dhis ku samayno kaabayaasha dhaqaalaha dalka, waxaan hada ku guda jirnaa tirkoobka daymahaas, horaanta bishii June ayaan kala saxiixanay IMF qaabkii nalooga cafin lahaa daymahaas” ayuu yidhi Wasiir Bayle

Ugu danbayntii Wasiirka ayaa ka warbixiyey shir ka dhacay dalka Isutaga Imaraatka Carabta badhtamihii bishii hore kaas oo sida uu sheegay lagaga hadlayey nidaamka xawaaladaha dalku ku shaqeeyaan.

“Lacago faro badan ayaa xawaalad ahaan lagu keenaa dalka, waxyna badankoodu ka yimaadaan dibadaha waan nolosha shacabka Soomaaliyeed, waxaana hada qarka u saaran yihiin in la joojiyo, waxaana aduunku ka soo horjeedaa qaabka lacagtaas ku baxdo, waxaana loo baahan yahay in helo qaab lagu ogaan karo ilaa qofka u danbeeya ee lacagtaas ay gaadho. Waxaana cid walba kala hadalanay in lacagaahaas aan la jarin, waxaans lagama maarmaan ah in dadka laga rabo qof kasta inuu samaysto aqoonsi uu lacagta ku qaato, waana arin socota qaabkii loo wajihi lahaa” ayuu yidhi Wasiirku.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face