Share this:

" />
Published On: Sat, Oct 14th, 2017

Weerarro Loo Adeegsaday Qaraxyo Oo Gil-gilay Muqdisho Iyo Khasaaraha Ka Dhashay

Smiley face

Araweelo News Network

Muuqaalka Qaraxa

 

Muqdisho(ANN)/Weerarro loo adeegsaday qaraxyo, ayaa gil-gilay Magaalada muqdisho ee xarunta dawladda Fedraalka ee Soomaaliya. Sida ay sheegayaan saraakiisha ammaanka, ayaa sheegay in qaraxyadaa maanta ka dhacay Muqdisho loo adeegsaday gawaadhi laga soo buuxiyay walxaha qarxa lala beegsaday goobo kala duwan.

Burburka uu Qaraxu sababay

Qaraxa  hore,  ayaa ka dhacay isgooyska loo yaqaano Zoobe ee badhtamaha  magaalada oo ah isgoys aad u mashquul badan, waxaana la arkayay goobta uu qaraxu ka dhacay qiiq iyo uuro madow oo cirka isku shareeray.

Qaraxa lala beegsaday dhismaha  hoteelka SafarI oo ka mid ah Huteelada ugu caansan, iyadoo gebi ahaanba uu qaraxu dhulka la simay dhismaha Huteelkaa, waxayna wararku sheegayaan in dad badan ku jiraan dhimaha huteelka ee qaraxu dumiyay, waxaana markaa kadib la maqlayay rasaas googoos ah oo goobta qaraxu ka dhacay laga maqlayay.

Sidoo kale qaraxa labaad, ayaa  ka dhacay degmada Madiina, waxaana ku dhintay inta la ogyahay labo qof.

Muuqaal Ka mid ah burburkii qaraxa

Dab  ka kacay kaalin shidaal oo u dhaweyd goobta uu qaraxa ka dhacay, ayaa sababay in xaaladu faraha Ka baxdo, iyadoo  la arkayay aurora madow ay cirka isku shareertay.

Balse weli si rasmi ah looma  oga khasaaraha dhabta ah, waxayse wararka hordhaca ah, ayaa sheegaya in ugu yaraan 30 qof ku dhinteen qaraxyadaa, iyadoo dhaawaca goobaha Caafimaadka la geeyay tiradooda lagu sheegay ugu yaraan 100 qof, sida laga soo xigtay saraakiisha gurmadka deg-dega ee caafimadka.

.Sidoo kale wuxuu burbur soo gaadhay xafiiska bisha Cas oo ku yaal meel aan ka fogeyn goobta uu qaraxu ka dhacay! waxayna Saraakiisha gurmadka ee caafimaadku  u daabulayaan dadka dhintay iyo kuwa dhaawaca ah cusbitaalada, mana jirto cid weli sheegatay qaraxyadaa oo lagu tilmaamay kuwo aan baaxada ay lahaayeen mudooyinkii u danbeeyay laga maqal magaalada muqdisho oo inta badan Ururka Al-Shabaab ka fuliyaan magaalada muqdisho.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face