Share this:

" />
Published On: Fri, May 5th, 2017

Xafiiska Ganacsiga Somaliland ee Imaaraadka oo u Mahadceliyey Jaaliyadaha ku Nool Dalka Sweden

Smiley face

Araweelo News Network

Dubai(ANN)- Xafiiska ganacsiga Somaliland ee dalka Imaaraadka Carabta, ayaa uga mahadceliyey jaaliyadaha reer Somaliland ee waddanka Sweden sida fiican ee ay u soo dhaweeyeen ambassador Baashe Cawil Cumar oo safar ku tegay dalal ku yaal qaaradda Yurub.
Sidaana waxa lagu sheegay warsaxaafadeed la soo saaray oo u qornaa sidan; “Xafiiska Somaliland Trade Office Mission UAE (Xafiiska Ganacsiga) wuxuu uga mahadcelinayaa Jaalliyadda Somaliland ee ku dhaqan dalka Sweden sidii milgaha iyo sharafta lahayd ee ay wakiilka Somaliland ee Imaaraadka iyo xubnihii weftigiisa ugu soo dhaweeyeen dalkaasi muddadii labada cisho ahayd ee ay ku sugnaayeen.
Jaalliyadaha dalalka Nordic waxay muujiyeen waddan jeceyl, niyad-wanaag iyo midnimo ay meel uga soo wada jeedaan garab istaaga horumarka dalkooda hooyo oo ay awalba kaallin muuqata ka qaadan jireen. Taasina waa ta ay ku garteen in ay shahaado sharaf ku maamuusaan wakiilka Somaliland ee dalka Imaaraadka Amb. Baashe Cawil Cumar oo ku muteystay dedaalka iyo waxqabadka muuqda ee Somaliland u soo kordhay muddadii koobnayd ee uu xilka hayay.
Sidaa daraadeed, waxa uu xafiiska Somaliland Trade Office mahadnaqayaa jaalliyadaha ku dhaqan dalalka Nordic (Sweden, Norway, Finland, Iceland, Denmark) wakiillada Somaliland u fadhiya dalalkaasi iyo masuuliyiinta laamaha xisbiga KULMIYE ee Ilaahay garansiiyay in ay taageeraan horumarka dalkooda hooyo,” ayaa lagu yidhi warsaxaafadeedka ka soo baxay Xafiiska Ganacsiga Somaliland ee dalka Imaaraadka Carabta.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face