Share this:

" />
Published On: Sun, Mar 6th, 2016

Xaji Cabdi Waraabe Muxuu Ka Yidhi Dilkii Taliyaha Qaybta Saaxil Ee Xiisadu Ka Dhalatay Iyo Xaalada Dalka

Smiley face

Araweelo News Network

xaajicabdikariimHargeysa(ANN)Xaaji Cabdikariin Xuseen Yuusuf (Cabdi-Waraabe), oo ka mid ah hal-doorka Somaliland ee dhidibada u taagay nabadgelyada Somaliland, ayaa dilka taliyihii Booliska gobalka Saaxil ku tilmaamay dhacdadii ugu foosha xumayd ee soo marta Somaliland, waxaanu ku taliyay in nabadda la ilaaliyo.
Xaaji Cabdikariin Xuseen Yuusuf (Cabdi-Waraabe), oo Wargeyska Geeska Afrika wareysi gaar ah siiyey ayaa sidoo kale waxa uu Bulshada Somaliland kula dardaarmay inay ilaashadan Nabadgalyadooda, isagoo hogo tusaaleeyay dhibta iyo saxariirka loo soo maray hirgelinteeda, “Marka hore Shacabka Somaliland iyo dhammaan Ciidamada dalka waan ka tacsiyadaynayaa Taliyahaas la dilay, ee gacanta ka gardarani dishay, ALLENA waxaan uga baryayaa inuu godka u nuuro, una naxariisto, weerarkan lagu dilay Taliyuhuna waxa uu ahaa weerar iyo dhacdo aad u fool xun, oo qaranimadeena iyo jiritaankeena dhib ku ah.” ayuu yidhi Xaajigu, isagoo intaas raaciyay “In la dhul jiifteeyo oo amaanka qaranka lagu ciyaaro maaha, si aanu dilkan oo kale u dhicina waa in Xukuumaddu dadaal dheeraad ah ka gashaa, Somaliland waa qaran, waa dal, in la kala sheegto maaha, in Buuraha la galo maaha, in dib loo noqdo oo dhibaatooyin Somaliland ka soo gudubtay lagu noqdo maaha, Qaran ayeynu nahay ee Qabiil iyo qudhun yaan lagu noqon, dhacdadan Taliyaha lagu dilayna waa dhacdo aan hore dalka uga dhicin ee ha la iska kaashado sidii loo qaboojin lahaa, oo Xukuumad, Goleyaal, Madax dhaqameed iyo Shacab ha la iska kaashado.”
Xaaji Cabdi Waraabe ayaa mar uu ka hadlaayey Nabadgelyada iyo culayskii loo soo maray hirgelinteeda, wuxuu yidhi “Cidna looga sheekayn maayo, loona sheegi maayo wixii dhiba ee ina soo maray, iyo sida ay sida aynu ku hirgelinay Nabadgalyada,ee Nabadaas aynu jidka dheer u soo galnay, yaan si yar oo fudud lagu burburin,oo dadkani colaad iyo dagaalo ma qaadi karaane yaan lagaga ciyaarin nabadooda”
Xaaji Cabdi Waraabe ayaa mar uu la hadlaayey Xisbiyada ayaa yidhi ‘Xisbiyada iyo Xukuumadda waxa aan kula dardaarmaya danta qaranka ha loo midoob, midna ha laga ahaado, oo wixii gef ku ah ee qaranimada wax yeelaya ha iska ilaaliyaan, Diiwaangelinta ha ka wada qayb qaataan,oo dadka ha ku wacyigeliyaan qaadashada Kaadhka Diiwaangelinta”.
Xaaji Cabdi Waraabe ayaa mar uu ka hadlaayey Diiwaangelinta waxa uu yidhi “Shacabka Somaliland waxa aan kula dardaarmayaa inay kaadhka Diiwaangelinta codeynta qaataan, si ay Doorashada ugu galaan, oo si wanaagsan ha u galaan, si ay Doorashadu hadhaw inoogu hagaagto, oo yaan la dhayalsan Diiwaangelinta.”
Xigasho Geeska.

Follow us: @Araweelonews on Twitter | Arraale M Jama
Araweelo News Network
Somaliland Office
Email info@araweelonews.com
Jaamac132@gmail.com
WhatsApp + 252 63 442 5380 Send an SMS or MMS to + 252 659107347

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley faceSmiley faceSmiley face Smiley face Smiley face Smiley face