Published On: Sat, Mar 21st, 2015

Xisbiga Kumiye Oo Beeniyay Warar La Xidhiidha Kulan La Sheegay In Lagu Kala Kacay Oo Dhexmaray Madaxweynaha Iyo Guddoomiyaha Xsibiga

Smiley face

Hargeysa(ANN)Xisbiga Muxaafidka ah ee KULMIYE, ayaa beeniyay warar la sheegay in todobaadkii hore kulan dhexmaray Madaxweynaha Axmed Maxamed Maxamuud (Siilaanyo) iyo guddoomiyaha Xisbiga Muuse Biixi Cabdi, kaas oo wargeyska Foore oo kasoo baxa Magaalada ku baahiyay cadadkiisa 1436, ee Sabti 21 March 2015.
Wargeysku, wuxuu sheegay in kulankaa oo ahaa mid lagaga wada hadlay mudo kordhin iyo musharaxnimada xisbiga Kulmiye, isla markaana sida wargeysku sheegay Guddoomiye Muuse ka u gudbiyay Madaxweynaha in ka hor inta aan la gaadhin muddo kordhinta musharaxnimadiisa la cadeeyo, balse laysku afgaran waayay sida lagu daabacay Wargeyska oo lagu kala kacay.
Hase yeeshee Qoraal saxaafadeed xisbiga Kulmiye kaga hadlay arrintaa, waxa uu ku tilmaamay warkaa mid aan sal iyo raad lahayn oo been abuur ah, waxayna uga digeen saxaafada inay warar been abuur ah oo aan jirin qorto, kuwaas oo ay sheegeen inay abuuri karaan khal-khal.
Warsaxaafadeedka Xsibiga KULMIYE, wuxuu u qornaa sidan:- “ Wargayska Foore oo ka soo baxa magaalada Hargeisa ayaa wuxuu cadadkiisii maanta bogga hore ku daabacay war aan sal iyo raad toona lahayn oo waxba kama jiraan ah, waxanan cid kasta u cadaynaynaa in warkaasi yahay been cad oo Wargeyska Foore u badheedhay oo aanu geedna ugu soo gaban.

 

Waxaanu bulshada u sheegaynaa in Madaxwaynaha iyo Gudoomiyaha Xisbiga KULMIYE ay ka midaysanyihiin siyaasada Dawlada iyo xisbiga ee xilligan iyo ta mustaqbalkaba.

 

Saxaafadu qaranka waxay u haysaa masuuliyad wayn , haddii masuuliyadaasi u gacan gasho cid aan ehel u ahayn waxay dalka ka abuuri kartaa khal-khal wareed.
Gabagabadii waxaanu bogaadinaynaa saxaafada inteeda badan ee dhawrtay Anshaxa iyo xeerka saxaafada, waxaananu u digaynaa inta been abuurka iyo khalkhal galinta bulshada caadaysatay” ayaa lagu qoraal saxaafadeedka xisbiga Kumiye oo warbaahinta loo qaybiyay, kaas oo uu ku saxeexnaa Agaasimaha Xafiiska Xarunta dhexe iyo Xadhiidhka saxaafada ee Xisbiga Kulmiye. Mustafe Iid Maxamed.

Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 63 4764409 + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley face Smiley face Smiley face Smiley face Smiley face