Share this:

" />
Published On: Tue, Mar 29th, 2016

Xukuumadda Muqdisho Oo Sheegtay In Biyaha Webiga Shabeelle Ethiopia Leexisay

Smiley face

Araweelo News Network
maareeye
Mogadishu(ANN)Xukuumadda Musdisho ee Somalia ayaa sheegtay in Biyaha Webiga Shabeelle ee nolosha bulshada Koonfurta Soomaliya ku xidhantahay ay leexisay dawlada Ethiopia, isla markaana ay xukuumad ahaan ka war hayaan in Biyaha Wabiga Shabeelle ay Ethiopia u leexisay deegaano ka mid ah dhulka Ismaamulka Soomaalidu degto ee dalka Ethiopia.

Sidaana waxa xaqiijiyay Wasiirka Wasaaradda Warfaafinta Xukuumadda Somaliya ee Muqdisho Maxamed Cabdi Xayir Maareeye oo sheegay in gudaha Ethiopia laga leexiyay Wabiga, arrintaas oo uu sheegay in la sameeyay mar hore, balse biyo la’aanta ka jirta Wabiga aanay ku sifeyn karin xilligan inay sababteedu tahay leexinta biyahaasi.
Maareeye, ayaa sheegay Dowladda Federalka Somaliya qorsheynayso in Ethiopia ay kala hadasho arrinta ku saabsan sidii loo qaybsan lahaa Biyaha Wabiga .
“Illaa hadda waxaa la ogyahay waxa weeye in laga leexiyay wabiga si uu dhul badan u gaadho wadanka Ethiopia gudahiisa oo dhul badan la gaadhsiiyey, laakiin ku tala galku wuu jiraa sida shuruucda caalamiga qabto in laga heshiisyo sida loo isticmaalayo biyo wadamo isaga kala gudba, muddo ayeey leexsaneyd laakiin biyuhu wey ina soo gaari jireen, Abaarta Ethiopia, ayaa inooga horreysay, waxaan dhihi karaa tani waa musiibo caalami ah, laakiin in mar walbo aan ka wada hadalno dowladda Ethiopia, sidii aynu ku isticmaali lahayn biyaha qorshaheena wuu ku jiraa” ayuu yidhi wasiir Maareeye.

Mudooyinkii u danbeeyay waxa soo baxayay qaylo dhaan lagu sheegayo in la waayay Biyaha Wabiga Shabeelle oo si aan looga baran u gudhay, waxaana arrintaasi saamayn ku yeelatay nolosha malaayiin qoys oo Soomaaliyeed, kuwaas oo u badan beeraley iyo xoola dhaqato dega Gobolada uu maro Wabiga Shabeelle, iyadoo Isticmaalka Biyaha Wabiga doorka ugu weyn ka qaataan wax soo saarka Gobolada Hiiraan, Shabeellaha Dhexe iyo Shabeellaha hoose, waxayna arrintan xiliga la dareemay kusoo beegantay xilli webiga laga waayay Biyo oo uu gudhay si aan looga baran, iyadoo deegaamo badan oo Soomaaliya ah laga dareemay abaar daran oo saameyn ku yeelatay dadka iyo duunyadaba, isla marakaana Gobolada qaar dadka ay u geeriyoonayaan Haraad iyo dalagii Beeraha oo la waayay.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face