Araweelo News Network.
Xoghayaha Xisbiga Mucaaradka Ee Waddani Oo Dhaliilo U Jeediyay Madaxweyne Biixi iyo Xukuumaddiisa
Hargeysa(ANN)-Xisbiga Mucaaradka ee WADDANI, ayaa si weyn u dhaliilay siyaasada iyo hoggaamintya Madaxweynaha Somaliland Muuse Biixi Cabdi.
Xoghayaha guud ee xisbiga mucaaridka ah ee WADDANI, Khadar Xuseen Cabdi, ayaa dhaliiay siyaasada iyo qaabka Madaxweyne Biixi u jaan-gooyay horumarka iyo ganacsiga dalka.
Sidoo kale, xoghayaha xisbiga WADDANI, Khadar, wuxuu dhaliilo culus u jeediyay wasaaradda Isgaadhsiinta iyo Tignoolajiyadda Somaliland, taas oo sida uu sheegay aan ka turjumayn qaabkii dhinaca Tignoolajiga lagu horumarin lahaa dalka.
“Waxaa wax lala yaabo ah in wasaaraddeena Isgaadhsiinta iyo Tegnoolajiyaddu ku faanto in ay horumarka ka shaqaynayso, waxaynuna ognahay in ay cunnaha hayso horumarka ay samayn lahaayeen shirkaddaha Isgaadhsiintu.” Ayuu yidhi.
Xoghaye Khadar oo maanta warbaahinta kula hadlay magaalada Hargeysa, wuxuu yidhi, “ Afartii sanadood ee madaxweyne Muuse, xilka hayay wasaaraddu waxay cunnaha haysay shirkaddihii ka shaqayn lahaa horumarka Tegnoolajiga ee Somaliland.”
Wuxuu sheegay in shirkaddaha ugu waaweyn ee dalka sida Dahabshiil iyo Telesom loo diiday in ay dalka keenaan xadhiga Badda mara ee Internetka (Fiber-Optic Cable).
Xoghaye Khadar, ayaa sheegay in wax lalayaabo ay tahay in Somaliland oo ku taal dal ku yaal bogcad Istiraatiiji ah ay Ethiopia oo aan lahayn Bad kasoo qaadato Internet.
Sidoo kale, wuxuu sheegay in aannay Somaliland ka faa’isaysan Istiraatiijiyada juquraafi ahaan ay ku taal Somaliland, wuxuuna tusaale usoo qaatay dalka Soomaaliya oo xadhkaha Badda ee Internetka (Fiber-Optic Cable) soo gaadheen ugu yaraan laba xadhig kuwo kalena ay usoo socdaan, ma garanayo waxa loogu diiday shirkaddaha in ay keenaan xadhkaha Internetka.
Xoghayaha Xsbiga WADDANI, Khadar, wuxuu calaamatu su’aal geliyay 11 bilood kaddib sida uu sheegay oo ka hadhay muddadii shanta sannadood ee ahayd ee la doortay Madaxweyne Biixi, waxa uu uga tegeyo bulshadda ee taariikhda u gelaya.
Arrimahaa iyo kuwo kale ayuu xoghaye Khadar kaga hadlay muuqaalkan hoose
Daawo hadalka Xoghayaha WADDANI.
Published by Araweelo News Network.
Fadlan la wadaag saaxiibadaa oo warbxinaha iyo wararka ay soo gudbiyaan shebekaddaha Araweelo News Network.
Follow us Twitter@Araweelonews
Facebook@AraweeloNews
instagram@araweelonews
By Arraale M Jama Freelance Journalist and Human Rights activist.
info@araweelonews.com
