TelesomDahabshiil

Somaliland: Qiimaha Maceeshada Oo Si Weyn U Kordhay Labadii Billood Ee U Danbeeyay

Araweelo News Network.

Ma jirto cid ka qabanaysa in ay sidan arxandarada ah wax u iibiyaan, waxaanse Allah ka sugaynaa inuu naga soo gaadho kuwa aan naxariista lahayn.”Hooyo Danyar ah.

Hargeysa(ANN)-Qiimaha Maceeshada ayaa kor ugu kacay suuqayada Magaaladda Hargeysa, taas oo saamayn ku yeelatay dadka danyarta ah ee marka horeba la tacaalayay daruuriyaadka oo nolloshoodu ahayd qadaa ma dhergaan.

Tan iyo Bishii hore July waxa isa soo tarayay korodhka qiimaha maceeshada ee raashinka oo ay Bulshaddu si weyn u dareentay, waxaana kor u kacay qiimaha Bariiska, Sonkorta, Baastada, Saliida, halka qiimaha daqiiqda aannay waxba ku kordhin.

Qaar ka mid ah Bakhaarada iibiya raashinka, ayaa u sheegay sheegay Shebekaddaha Araweelo News Network, in marka la eego bishii hore ee July 2021, Bariiska Kiishka 50kgrm, qiimihiisu ahaa $ 50, waxaase si lama filaan ah uu kor ugu kacay August 2021, iyadoo uu gaadhay $ 53 dollar, taas oo ka dhigan in ay ku kordheen $3 dollar.

Sidoo kale, bishii July 2021, Sonkorta Kiishka 50kgrm, qiimihu wuxuu ahaa $ 31, laakiin August 2021, ayuu kordhay qiimihu, isagoo gaadhay $ 33 dollar, waxana ku kordhay $ 2 dollar.

Qiimaha Kartuunka Saliida oo 4 caagadood ah, isla markaana midiiba ay ku jiraan 5 Ltr, qiimihu wuxuu ahaa July 2021, $ 30, waxayna xilligan maraysaa $ 38, waxaa ku kordhay $8 dollar.

Sidoo kale, waxa si layaable u korodhay Saliida aan safaysnayn ee uu keeno ganacsade Omaar oo ku jirta shirikaamada 20 Ltr, taas oo qimeheedu marayay July 2021, $ 17 dollar, balse waxa mar keliya kacay qiimaha lagu iiboyo maraysaa August 2021, $ 31 dollar, waxaana ku kordhay $ 13 dollar shirikaanka saliida ee noocaa ah, taas oo inta baddan ay isticmaalaan dadka danyarta ah ee aan awooddin in ay iibsadaan Saliida ku jirta Caagadaha 5Ltr oo lagu tilmaamo in ay tahay mid safaysan, taas oo ganacsatp kala duwan ay keento, halka nooca ka mid ah dalka lagu farsameeyo. ,

Waxa kale oo kordhay qiimaha Kartuunka Baastada ee 10kgr, waxayna halkii ay bushii hore July 2021,  ka ahayd $ 7 dollar, gaadhay August 2021,  $ 8.5, taas oo ka dhigay qiimaha kordhay Kartuunka Baastada  $ 1.5 dollar.

Korodhka Maceeshada oo ay si weyn dadku u dareemeen, isla markaana ay si gaar ah ugu nugul yihiin dadka aan haysan dhaqaale buuran ee la xarbiya nolol maalmeedkooda, “lama garanayo waxay ganacsatadu qiimaha maceeshada sidan ugu kiciyeen, mana jirto cid ka qabanaysa in ay sidan arxandarada ah wax u iibiyaan, waxaanse Allah ka sugaynaa inuu naga soo gaadho kuwa aan naxariista lahayn.” Sidaa waxa tidhi, Hooyo da’anyar ah oo ka cabanaysay korodhka qiimaha maceeshada.

 

Mana jiro wax war ah oo ay xukuumaddu kasoo saartay korodhka qiimaha maceeshada oo kor usii socda labadii bilood ee u danbeeyay, isla markaana shebekaddaha Araweelo News Network, ayaa isku deyey in ay arrintan wax ka weydiiyaan Wasaaradda Ganacsiga Somaliland, balse uma suurtagelin.

Dhinaca kale, inta baddan ganacsatada Somaliland ee maceeshada iyo alaabooyinka kale maaha qiimaha ay wax ku iibiyaan mid la dhaqdhaqaaqa suuqyada ganacsiga aduunka, taas oo sababta in marka ay doonaan qiimaha maceeshada kordhiyaan, balse waxay xilliyadii hore foodsaaro uga dhigan jireen in la kordhiyo maceeshada iyo alaabta kale xilliyada aannu fadhiyin qiimaha isku bedelka sarifka lacagta adag ee dollarka iyo shillinka Somaliland, wallow annaay xilligan muuqan faraq dhinaca dhaqdhaqaaqa suuqa sarifka dollarka oo laga dareemayo Somaliland.

Published by Araweelo News Network.

Fadlan la wadaag saaxiibadaa oo warbxinaha iyo wararka ay soo gudbiyaan shebekaddaha Araweelo News Network.

Follow us Twitter@Araweelonews

Facebook@AraweeloNews

instagram@araweelonews

By Arraale M Jama Freelance Journalist and Human Rights activist.

info@araweelonews.com

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp