Hargeysa(ANN)Tartaanki koobka kubada kolayga ee bisha Ramadaan oo loogu magacdaray Maxamed-Rashid Cup ayaa uu gudbay wareegi kama dambaysta ah ee ciyaarta finaylka ee kooxaha heerka kowaad ee serie A iyo kooxaha heerka labaad ee serie B, waxaana Afarta kooxood ee wareega heerarka A iyo B, u gudbay kala yihiin kooxaha Wasaaradda Tamarta iyo Nagaad oo heerka serie A, halka heerka kooxaha serie B ay uu soo baxeen ciyaarta kamadambaysta ah kooxaha kala ah Jig jiga yar vs. Jamacaada Hargeysa.
Tartankan oo ka socday garoonka kubdada Kolayga ee Magaalada Hargeysa ee Timacade bilowgii bisha Ramadaan oo lagu magac daray Allah ha u naxariistee Marxuum Maxamed Rashiid Muxumed Faarax oo ahaa halyay xoriyatul qawlka Saxaafada madaxabanaan ee Somaliland u halgamay, isla markaana ahaa xoghayihii hore ee ururka suxufiyiinta Somaliland ee SOLJA ka hor intii aanu naftiisa ku waayin dhaawac kasoo gaadhay shil Baabuur ka dhacay wadada u dhaxaysa Hargeysa iyo Berbera, Khamiistii 25 December 2014.
Kooxaha caawa wada kulmay ciyaarta kowaad ee heerka B Jiga jiga yar vs. Faceboog. Waxaana ciyaarta ku guleysatay kooxda Jiga jiga yar 21 dhibcood halka kooxda ku ciyaaraysa magaca Faceboog ay 10 dhibcood heshay.
Ciyaartii u damabeysay ee ay wada kulmii lahayeen kooxaha Nagaad Vs. Tv-ga Qaranka ee heerka kooxaha serie A, waxaana kooxda ku ciyaaraysa magaca Tv-ga qaranka ganaax awgeed ay gudigaa qabanqaabada wareegan ay ganaaxeen kooxdaa ka dib markii ay ciyaar hore ay kooxdu ciyaareen ay baal mareen anshaxa sharciga ciyaaraha, taas oo sababtay in go’aan lagu gaadho in la ganaaxo, isla markaana wareega laga saaro gebi ahaan, iyadoo ciyaartoodi semi finaylka ay kooxda Nagaad ku tuuratay siidaana ugu soo gudubtay ciyaarta kama dambaysta ah.
Kooxaha heerka serie B ayaa ciyaartooda kama dambaysta ah ay wada kulmi doonan kooxaha Jiga jiga yar Vs. Jamaacada Hargeysa maalinta Isniinta habeenka salaasadu soo galayso, halka ciyaarta kama damabaysta ah ee serie A-da wada kulmi doonan kooxaha Wasarada Tamarta vs. Nagaad ay ciyaari doonan habeenka Arbacadu soo galayso.
Naatijaadi Ciyaarta Semi Finaylka
Serie B – Jig Jiga yar Vs. Faceboog 21 -10
Serie A – Nagaad Vs. Tv-ga Qaranka waa lagu tuurtay
Ciyaarta Finaylka
Wasaaradda Tamarta Vs. Nagaad Wednesday July 14, 2015
Jiga Jiga yar VS. Jamacada Hargeysa Monday July 13, 2015
